ໃນວັນທີ 5 ມີຖຸນາ 2018 ທີ່ ຜ່ານມາ ຢູ່ທີສະໂມສອນເມືອງບົວລະພາ ໄດ້ຈັດກອງປະຊຸມ ຜັນຂະຫຍາຍເນື້ອໃນຈິດໃຈ ກອງປະຊຸມວຽກງານກວດກາ ທົ່ວປະເທດ ໂດຍການເປັນປະທານຂອງທ່ານ ຄຳເພົ່າ ທອງເທພາຮັກ ເຈົ້າເມືອງໆບົວລະພາ, ມີ ຄະນະປະຈໍາພັກເມືອງ, ຄະນະການພັກເມືອງ, ຫົວໜ້າການ ຮອງຫ້ອງການ ເລຂາຄະນະພັກຮາກຖານ ອ້ອມຂ້າງເມືອງເຂົ້າຮ່ວມ.
ກອງປະຊຸມຄັ້ງນີ້ ທ່ານ ເຈົ້າເມືອງໆບົວລະພາ ໄດ້ສະເໜີໃຫ້ທຸກພາກສ່ວນ ຄວນພ້ອມກັນເຊື່ອມຊືມ ບັນເນື້ອໃນຈິດໃຈ ກອງປະຊຸມວຽກງານກວດກາ ທົ່ວປະເທດ ປະຈຳປີ 2017 ເພື່ອນຳໄປຈັດຕັ້ງຜັນຂະຫຍາຍ ໃນຂົງເຂດວຽກງານຂອງຕົນ.
ໃນກອງປະຊຸມ ທ່ານ ພົງສະຫວັນ ສີສະຫວາດ ຮອງປະທານ ກວດກາພັກ-ລັດເມືອງ ກໍ່ໄດ້ຜ່ານບົດສະຫຼຸບການເຄື່ອນໃຫວວຽກງານຂອງ ຄະນະກວດກາພັກ-ລັດ ປະຈຳປີ 2017 ແລະ ທິດທາງຜ່ານການ 2018 ນອກນັ້ນ ຜູ້ເຂົ້າຮ່ວມຍັງໄດ້ຮັບຟັງບັນດາຄຳສັ່ງ ແລະ ບົດແນະນຳຕ່າງໆ ເປັນຕົ້ນແມ່ນ ຄຳສັ່ງ ສະບັບເລກທີ່ 01/ກມສພ ລົງວັນ3 ມັງກອນ 2018 ວ່າດ້ວຍການເພີ່ມທະວີ ການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ, ບົດແນະນໍາສະບັບເລກທີ 27/ອກລ ລົງວັນທີ 30 ມັງກອນ 2018 ກຽ່ວກັບການດໍາເນີນຄະດີ ການສໍ້ລາດບັງຫຼວງ, ເອກະສານບົດແນະນໍາ ຂອງອົງການກວດກາລັດຖະບານ ສະບັບເລກທີ 36/ອກລລົງວັນທີ 05 ກຸ່ມພາ 2018 ກຽ່ວກັບການກວດກາຕິດ ຕາມຜົນການກວດສອບ, ບົດແນະນໍາ ເລກທີ 192 /ຄກສພ ລົງວັນທີ 26 ມີຖຸນາ 2017ວ່າດ້ວຍ ການປັບປຸງ ການຈັດຕັ້ງກວດກາພັກ,ອົງການກວດກາລັດກະຊວງ-ອົງການ ແລະ ທ້ອງຖີ່ນ (ສະບັບປັບປຸງ).
Editor: ກຳປານາດ ລັດຖະເຮົ້າ
