ກອງປະຊຸມຄົບຄະນະບໍລິຫານງານພັກເມືອງປາກລາຍ ແຂວງໄຊຍະບູລີ ຄັ້ງທີ 11 ສະໄໝທີ VIIໄດ້ໄຂຂື້ນໃນຕອນເຊົ້າຂອງວັນທີ່ 11 ມິຖຸນາ 2018 ນີ້ ທີ່ຫ້ອງປະຊຸມໃຫຍ່ຂອງເມືອງ ພາຍໃຕ້ການເປັນປະທານ ສະຫາຍ ບຸນລັບ ແສງອາພອນ ກໍາມະການພັກແຂວງ ເລຂາພັກເມືອງ ເຈົ້າເມືອງປາກລາຍ ໂດຍເປັນກຽດເຂົ້າຮ່ວມຂອງສະຫາຍ ບຸນຕາ ອີນທະວົງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ ມີບັນດາສະຫາຍຄະນະປະຈໍາພັກເມືອງ ກຳມະການພັກເມືອງ ເລຂາຮອງເລຂາໜ່ວຍພັກ ສຳນັກງານຫ້ອງການ ລັດວິສາຫະກິດ ແລະ ບ້ານໃນທົ່ວເມືອງເຂົ້າຮ່ວມ.
ກອງປະຊຸມຄັ້ງນີ້ ສະຫາຍ ສົມດີ ຄົງສະຫັວນ ຮອງເລຂາພັກເມືອງ ຮອງເຈົ້າເມືອງໆປາກລາຍ ໄດ້ສະຫຼູບຕີລາຄາການຈັດຕັ້ງປະຕິບັດມະຕິກອງປະຊຸມຄົບຄະນະຄັ້ງທີ 10 ສະໄໝທີ່ VII ມະຕິ VII ຂອງອົງຄະນະພັກເມືອງ ແລະ ມະຕິ VI ຂອງອົງຄະນະພັກແຂວງ ສະຫຼຸບຕິລາຄາຄືນວຽກງານຮອບດ້ານ ເຊັ່ນ: ພາຍຫຼັງກອງປະຊຸມຄົບຄະນະ ຄັ້ງທີ 10 (ສະໄໝທີ VII), ຄະນະບໍລິຫານງານພັກເມືອງ ໄດ້ຕົກລົງເຫັນດີເປັນເອກະພາບ ຮັບຮອງເອົາມະຕິກອງປະຊຸມດັ່ງກ່າວ ເພື່ອເປັນບ່ອນອີງໃນການຈັດຕັ້ງປະຕິບັດ; ຕະຫຼອດໄລຍະ 3 ເດືອນຜ່ານມາ ຄະນະພັກ-ອໍານາດການປົກຄອງເມືອງ, ບັນດາຂະແໜງການທີ່ກ່ຽວຂ້ອງໄດ້ນຳໄປຜັນຂະຫຍາຍສ້າງເປັນແຜນການ, ແຜນງານອັນລະອຽດໃນການປະຕິບັດໜ້າທີ່ວຽກງານຕົວຈິງຂອງຂະແໜງການຕົນໃນທົ່ວເມືອງ ເຊິ່ງສາມາດຍາດໄດ້ຜົນສຳເລັດ ສະແດງອອກມາຮອດປະຈຸບັນເຫັນໄດ້ວ່າ ເມືອງປາກລາຍ ຂອງພວກເຮົາຍັງຮັກສາໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບເປັນລະບຽບຮຽບຮ້ອຍໂດຍພື້ນຖານ ທຽບໃສ່ຄາດໝາຍ ແລະ ມະຕິກອງປະຊຸມໃຫ່ຍຂອງຕົນວາງອອກແມ່ນສາມາດບັນລຸໄດ້ຕາມຄາດໝາຍວາງໄວ້, ອອກຄຳສັ່ງແນະນຳເລກທີ 174/ຄພມ ວ່າດ້ວຍການຜັນຂະຫຍາຍຄຳສັ່ງເລກທີ 654/ຄພຂ ກ່ຽວການຂື້ນແຜນກຳນົດພະນັກງານນຳພາ-ຄຸ້ມຄອງຂັ້ນບ້ານໃນທົ່ວແຂວງ, ບາງເນື້ອໃນຄຳສັ່ງເລກທີ 265/ຄຈສພ ວິທີການຈັດຕັ້ງປະຕິບັດກົດລະບຽບຂອງພັກປະຊາຊົນ ປະຕິວັດລາວ ສະໄໝທີ X, ຄຳສັ່ງແນະນຳເພີ່ມເຕີມເລກທີ 155/ຄພຂ ວ່າດ້ວຍການເພີ່ມທະວີ ວຽກງານກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ, ໄດ້ອອກຄຳສັ່ງແນະນຳ ເລກທີ 588/ຈມ.ຊຍ ວ່າດ້ວຍການຜັນຂະຫຍາຍຄຳສັ່ງແນະນຳເລກທີ 198/ຈຂ.ຊຍ ວ່າດ້ວຍການສືບຕໍ່ສ້າງແຂວງ ເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ, ອອກຄຳສັ່ງແນະນຳເລກທີ 389/ຈມ.ຊຍ ວ່າດ້ວຍການຜັນຂະຫຍາຍຄຳສັ່ງ ສະບັບເລກທີ 153/ຈຂ,ຊຍ, ອອກຄຳສັ່ງແນະນຳເລກທີ 181/ຄພມ ວ່າດ້ວຍການຜັນຂະຫຍາຍຄໍາສັ່ງແນະນໍາ ເລກທີ 250/ຄພຂ.ຊຍ, ວ່າດ້ວຍການດໍາເນີນຊີວິດການເມືອງປັບປຸງ-ປົວແປງພັກ ໃນປີ 2017. ໄດ້ນໍາພາປັບປຸງກໍ່ສ້າງໜ່ວຍພັກເຂັ້ມແຂງ-ຮູ້ນໍາພາຮອບດ້ານ, ເຊິ່ງມາຮອດປະຈູບັນກວມເອົາ 39,43% ຂອງໜ່ວຍພັກທັງໝົດໃນທົ່ວເມືອງ, ທຽບໃສ່ມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກແຂວງ ຍັງຫຼຸດ 35,57%, ທຽບໃສ່ ມະຕິ VII ຂອງອົງຄະນະພັກເມືອງວາງອອກຍັງຫຼຸດຄາດໝາຍ 45,57%. ຂະຫຍາຍສະມາຊິກພັກໃໝ່ ໄດ້ 88% ທຽບໃສ່ ມະຕິ VI ຂອງແຂວງ 40,8%,ທຽບໃສ່ມະຕິ VII ຂອງເມືອງ ຍັງຫຼຸດ 6,95% ແລະ ສ້າງບ້ານໃຫ່ຍໃຫ້ກາຍເປັນຕົວເມືອງນ້ອຍໃນຊົນນະບົດ ໄດ້ຕື່ມ 1 ບ້ານ ທຽບໃສ່ມະຕິ VI ຂອງແຂວງທົ່ວແຂວງ ໃຫ້ໄດ້ຕື່ມ 18 ບ້ານ, ເມືອງມະຕິ VII ຂອງເມືອງກໍານົດໄວ້ ບ້ານ 3 .ພວກເຮົາພວມກະກຽມສຸມໃສ່ຕື່ມ 2 ບ້ານ. ສາມາດສ້າງບ້ານພັດທະນາໄດ້ 44 ບ້ານ ທຽບໃສ່ມະຕິ VI ຂອງແຂວງຍັງຕ້ອງສູ້ຊົນຕື່ມ 16,23%, ທຽບໃສ່ມະຕິ VII ຂອງເມືອງ ຍັງ 21,23%. ຊຸກຍູ້ນໍາພາປະຕິບັດຄາດໝາຍສູ້ຊົນລຶບລ້າງຄວາມທຸກຍາກ ເຮັດໃຫ້ຈຳນວນຄອບຄົວທຸກຍາກໃນເມື່ອກ່ອນ 9 ຄອບຄົວ ມາຮອດປະຈຸບັນຫຼຸດລົງຍັງເຫຼືອພຽງ 2 ຄອບຄົວ ເທົ່າກັບ 0,01%(ພວກເຮົາກໍ່ໄດ້ໄປນໍາພາຊີ້ນໍາຊ່ວຍເຫຼືອສໍາເລັດແລ້ວແຕ່ບໍ່ຍັງບໍ່ທັນໄດ້ອອກຂໍ້ຕົກລົງລືບລ້າງເທື່ອ). ພ້ອມນັ້ນຍັງໄດ້ຊີ້ນໍາແຕ່ລະຂະແໜງການການອ້ອມຂ້າງເມືອງກວດກາຄືນແຜນຍຸດທະສາດການພັດທະນາຂະແໜງການຂອງຕົນແຕ່ນີ້ຮອດປິ 2019 ແລະ ກໍານົດຍຸດທະສາດ 2020-2025 ແລະ 2030 ໃຫ້ມີຈຸດສຸມ ແລະ ມີທິດທີ່ຊັດເຈນຂຶ້ນ ອັນພົ້ນເດັ່ນ ແມ່ນນໍາພາດຳເນີນກອງປະຊຸມຄົບຄະນະບໍລິຫານງານພັກເມືອງຂັ້ນຂອງຕົນສໍາເລັດແລ້ວ 10 ຄັ້ງ, ສໍາເລັດຂື້ນແຜນການກໍານົດຕໍາແໜ່ງພະນັກງານສືບທອດປ່ຽນແທນຂັ້ນຂອງຕົນ, ໄດ້ປັບປຸງໂຮມຫ້ອງການຈໍານວນໜຶ່ງ ຕາມຄໍາສັ່ງຂອງລັດຖະບານ ເຂົ້າກັນສໍາເລັດ, ເປີດຮຽນກົດໝາຍຊັ້ນຕົ້ນໃຫ້ພະນັກງານຫຼັກແຫຼ່ງຂັ້ນບ້ານໄດ້ 7 ຊຸດ, ເປີດຮຽນທິດສະດີຊັ້ນຕົ້ນໃຫ້ພະນັກງານຫຼັກແຫຼ່ງຂັ້ນເມືອງໄດ້ 01 ຊຸດ.
ກອງປະຊຸມແມ່ນດຳເນີນມາຮອດຕອນເຊົ້າຂອງວັນທີ 12 ມີຖຸນາ 2018 ແມ່ນໄດ້ອັດລົງດ້ວຍຜົນສຳເລັດ.
Editor: ນັກຂ່າວເມືອງປາກລາຍ
