ເພື່ອເຮັດໃຫ້ເລຂາໜ່ວຍພັກ, ນາຍບ້ານໄດ້ສຶກສາຮໍ່າຮຽນ, ຮັບຮູ້ແລະກໍາໄດ້ຫລັກມູນພື້ນຖານທິດສະດີມາກ-ເລນິນ, ກໍ່ຄືແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຮັບຮູ້ໄດ້ລະບົບການຄຸ້ມຄອງ, ການບໍລິຫານ,ຫລັກ ການກໍ່ສ້າງພັກພະນັກງານແລະບັນດາຄວາມຮັບຮູ້ວິທະຍາສາດດ້ານຕ່າງໆສາມາດນໍາໄປໜູນໃຊ້ໃນພຶດຕິກໍາຕົວຈິ່ງໄດ້, ສາມາດຍົກສູງໄດ້ຄວາມຮູ້ຄວາມສາມາດໃຫ້ເລຂາໜ່ວຍພັກ, ນາຍບ້ານ, ຍົກສູງທາງດ້ານຄຸນດ້ານການເມືອງ, ຄຸນສົມບັດສິນທໍາປະຕິວັດ ແລະວິໄສທັດໃນການເບີ່ງບັນຫາ ຄົ້ນຄວ້າບັນຫາ ແລະ ແກ້ໄຂບັນຫາໃຫ້ສອດຄ່ອງກັບຄວາມເປັນຈິ່ງ, ເຮັດໃຫ້ເລຂາໜ່ວຍພັກ, ນາຍບ້ານສາມາດຫັນເອົາແນວທາງ, ແຜນນະໂຍບາຍ, ມະຕິຕ່າງໆຂອງພັກລັດໃຫ້ເປັນອັນລະອຽດນໍາໃຊ້ແທດເໝາະກັບສະພາບເງື່ອນໄຂຕົວຈິ່ງ, ກໍາແໜ້ນເນື້ອໃນຄາດໝາຍ,ນໍາໄປໜູນໃຊ້ບົດຮຽນໃນເວລາຈັດຕັ້ງປະຕິບັດໃຫ້ປະກົດຜົນເປັນຈິ່ງໃນຂອບເຂດຄວາມຮັບຜິດຊອບຂອງຕົນ, ສັງລວມບັນຫາ, ໂຄສະນາແລະສາມາດເຜີຍແຜ່ເອກະສານຂອງພັກລັດຕ່າງໆໃຫ້ປະຊາຊົນເຂົ້າໃຈໄດ້, ດັ່ງນັ້ນ ໃນວັນທີ 10 ມີຖຸນາ 2018ນີ້, ຢູ່ສະໂມສອນຫ້ອງວ່າການເມືອງເຊໂປນ ໄດ້ຈັດພິທີປິດຊຸດອົບຮົມຂື້ນຢ່າງເປັນທາງການ, ໂດຍການເປັນປະທານຂອງ ສະຫາຍ ວົງໄຊ ໄຊຍະຈັກວ່າການເລຂາພັກເມືອງ, ເຈົ້າເມືອງເຊໂປນ, ສະຫາຍ ສໍາລີ ວິລະວັນ ຮອງອໍານວຍການໂຮງຮຽນການເມືອງ-ການປົກຄອງແຂວງສະຫວັນນະເຂດ, ມີບັນດາສະຫາຍໃນຄະນະປະຈໍາພັກເມືອງ, ກໍາມະການພັກເມືອງ, ເລຂາໜ່ວຍພັກ, ນາຍບ້ານ 60 ບ້ານເຂົ້າຮ່ວມຢ່າງພ້ອມພຽງ, ສໍາລັບເອກະສານທີ່ນໍາມາຝືກອົບຮົມປະກອບມີ 3 ພາກ 19 ບົດ ໃນນັ້ນເວົ້າເຖີງການພັດທະນາປະເທດຊາດ ຕາມທິດສັງຄົມນິຍົມຢູ່ປະເທດເຮົາ, ການພັດທະນາເສດຖະກິດຢູ່ຂັ້ນບ້ານ, ສ້າງສະຕິກົດໝາຍໃຫ້ປະຊາຊົນຢູ່ຂັ້ນບ້ານ, ສ້າງຄວາມສາມັກຄີພາຍໃນບ້ານໃຫ້ໜັກແໜ້ນ, ບົດບາດຂອງພັກປະຊາຊົນປະຕິວັດລາວໃນປະຈຸບັນ, ສ້າງໜ່ວຍພັກຮາກຖານບ້ານໃຫ້ໜັກແໜ້ນເຂັ້ມແຂງທັງ 4 ດ້ານ, ຍົກສູງຄຸນນະພາບ ສະມາຊີກພັກ ແລະ ວຽກງານການຂະຫຍາຍພັກໃນໄລຍະໃໝ່, ຄວາມຮັບຜິດຊອບຂອງພະນັກງານ ນໍາພາ-ຄຸ້ມຄອງ ຕໍ່ການປະຕິບັດໜ້າທີ່ການເມືອງຢູ່ຮາກຖານບ້ານ,ການນໍາພາຂອງໜ່ວຍພັກບ້ານ ຕໍ່ການສ້າງເສດຖະກິດຄອບຄົວ, ການກະກຽມ ແລະ ດໍາເນີນກອງປະຊຸມໃຫ່ຍ 3 ຂັ້ນຂອງພັກ, ວຽກງານຕິດຕາມກວດກາພັກຂອງການຈັດຕັ້ງຮາກຖານພັກບ້ານ, ວຽກງານຄຸ້ມຄອງພົນລະເມືອງ, ຕ້ານປະກົດການຫຍໍ້ທໍ້ໃນສັງຄົມ ທີ່ເກີດຂື້ນຢູ່ຂັ້ນບ້ານ, ການພັດທະນາວຽກງານສຶກສາ ແລະ ສາທາລະນະສຸກຂັ້ນບ້ານ, ວຽກງານຍຸຕິທໍາຮາກຖານ ແລະ ການສ້າງບ້ານປອດຄະດີ, ການສ້າງຄອບຄົວ ແລະບ້ານວັດທະນະທໍາ, ຄວາມຮູ້ພື້ນຖານກ່ຽວກັບກົດໝາຍຂະແໜງກະສີກໍາ-ປ່າໄມ້, ຄຸ້ມຄອງການນໍາໃຊ້ທີ່ດີນຂອງບ້ານ, ການສ້າງແຜນພັດທະນາບ້ານ, ການສ້າງບົດສະຫລຸບ, ບົດລາຍງານການເຄື່ອນ ໄຫວຂອງບ້ານ, ໄລຍະການການຝືກອົບຮົມທິດສະດີການເມືອງ-ການປົກຄອງ ແມ່ນ 8 ວັນ, ລວມ 75 ຊົ່ວໂມງ, ເຊີ່ງເລີ່ມແຕ່ວັນທີ 4-11 ມີຖຸນາ ສໍາເລັດ100 ສ່ວນຮ້ອຍ ແລະ ສາມາດປະເມີນຄວາມຮັບຮູ້ແລະເຂົ້າໃຈໄດ້ 80 ສ່ວນຮ້ອຍ 

ໃນພິທີກໍ່ໄດ້ມອບໃບຢັ້ງຢືນສໍາເລັດການຝືກອົບຮົມ ທິດສະດີການເມືອງ-ການປົກຄອງໄລຍະສັ້ນ ໃຫ້ເລຂາໜ່ວຍພັກ, ນາຍບ້ານ 60 ບ້ານ, ໂດຍແມ່ນ ສະຫາຍ ວົງໄຊ ໄຊຍະຈັກ ເຈົ້າເມືອງເຊໂປນ ເປັນຜູ້ມອບ, ຕາງໜ້ານັກຝືກອົບຮົມທັງໝົດຂື້ນຮັບຊ້ອງ, ນອກນັ້ນໃນພິທີຍັງໄດ້ມອບໃບຍ້ອງຍໍສັນລະເສີນໂຮງຮຽນການເມືອງ-ການປົກຄອງແຂວງສະຫວັນນະເຂດ ໃຫ້ບຸກຄົນດີເດັ່ນທີ່ປະກອບສ່ວນຈັດຕັ້ງປະຕິບັດວຽກງານໃນບັ້ນຝືກອົບຮົມໄລຍະ10 ວັນ ຈໍານວນ 27ສະຫາຍ,ໂດຍແມ່ນ ສະຫາຍ ສໍາລີ ວິລະວັນ ຮອງອໍານວຍການໂຮງຮຽນການເມືອງ-ການປົກຄອງແຂວງ ເປັນຜູ້ມອບ,ຕາງໜ້າບຸກຄົນດີເດັ່ນຂື້ນຮັບຊ້ອງໜ້າຜູ້ເຂົ້າຮ່ວມທັງໝົດເປັນສັກຂີພິຍານນໍາດ້ວຍ

ຂ່າວຈາກ ເມືອງເຊໂປນ

Editor: ກຳປານາດ ລັດຖະເຮົ້າ