ສູນກາງອົງການພຸດທະສາສະນາສໍາພັນ ແຫ່ງ ສປປ.ລາວ, ຈັດພິທີມອບ – ຮັບ ໃບແຕ່ງຕັ້ງຄະນະຜູ້ປະສານງານ ລະຫວ່າງ ອົງການພຸດທະສາສະນາສັມພັນ ແຫ່ງ ສປປ.ລາວ ແລະ ອົງການພຸດທະສາສະນາສັມພັນແຫ່ງ ສສ. ຫວຽດນາມ, ໃນວັນທີ 18 ມິຖຸນາ 2018 ຜ່ານມາທີ່ຫໍທັມມະສະພາ, ວັດພຣະທາດຫຼວງເໜືອ ເມືອງໄຊເຊດຖາ ນະຄອນຫຼວງວຽງຈັນ

ອົງການພຸດທະສາສະໜາສຳພັນ ແຫ່ງ ສປປ.ລາວ ກໍຄືອົງການການປົກຄອງຂອງພຣະສົງລາວທັງປວງ ລວມທັງພຸດທະສາສະນິກະຊົນລາວບັນດາເຜົ່າ ໄດ້ມີຄວາມສຳພັນອັນໜັກແໜັນ ກັບອົງການພຸດທະສາສະນາ ແຫ່ງຫວຽດນາມ ມາຢ່າງຍາວນານ ຄຽງຄູ່ກັບປະຫວັດສາດຊາດ ແລະ ພຣະພຸດທະສາສະນາ ຄວາມສຳພັນອັນແໜ້ນນັ້ນ ໄດ້ຂະຫຍາຍມູນເຊື່ອຄວາມຮັກຄວາມສາມັກຄິີ ຊ່ວຍເຫຼືອເຊິ່ງກັນ ແລະ ກັນ ຕະຫຼອດມາ ເຫັນໄດ້ການໄປມາຫາສູ່ກັນ ການຊ່ວຍເຫຼືອເຊິ່ງກັນ ແລະກັນ ທັງໃນຍາມສົງຄາມ ແລະ ການສ້າງສາພັດທະນາປະເທດຊາດບ້ານເມືອງ ແລະ ພຣະພຸດທະສາສະນາ. ເພື່ອເປັນການຂະຫຍາຍສາຍພົວພັນອັນດີງາມ ທີ່ເຄີຍມີມູນເຊື່ອສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ລະຫວ່າງ ອົງການພຸດທະສາສະນາສັມພັນແຫ່ງ ສປປ. ລາວ ແລະ ອົງການພຸດທະສາສະນາຫວຽດນາມ ກໍຄືກາານສຳພັນຈັດຕັ້ງປະຕິບັດເນື້ອໃນບົດສັນຍາຮ່ວມມືຊ່ວຍເຫຼືອເຊິ່ງກັນ ແລະກັນ ລະຫວາງ ອົງການພຸດທະສາສະນາທັງສອງຊາດ ທີ່ໄດ້ມີການເຊັ່ນຮ່ວມກັນໃນໄລຍະທີ່ຜ່ານມາ ໃຫ້ມີຄວາມໜັກແໜ້ນ ແລະ ໃຫ້ມີປະສິດທິພາບສູງຍິ່ງຂຶ້ນໄປ

Editor: ກຳປານາດ ລັດຖະເຮົ້າ