ໂດຍປະຕິບັດ ຕາມກົດໝາຍປົກຄອງທ້ອງຖິ່ນແຫ່ງ ສປປ ລາວ ສະບັບເລກທີ 68/ສພຊ ລົງວັນທີ 14 ທັນວາ 2015 ແລະ ປະຕິບັດຕາມຂໍ້ຕົກລົງຂອງເຈົ້າເມືອງໆຄູນຄໍາ ສະບັບເລກທີ 98/ຈມ.ຄຄ ລົງວັນທີ 7 ມິຖຸນາ 2018 ວ່າດ້ວຍການ ອະນຸມັດແຕ່ງຕັ້ງຮອງປະທານສະຫະພັນກໍາມະບານເມືອງ.
ດັ່ງນັ້ນ ໃນອາທິດຜ່ານມານີ້ ຢູ່ທີ່ເມືອງຄູນຄໍາ ແຂວງຄໍາມ່ວນ ໄດ້ຈັດພິທີການຈັດຕັ້ງ ໂດຍການເປັນປະທານຂອງທ່ານ ຖາວອນ ແກ້ວຄໍາພັນ ຮອງເຈົ້າເມືອງໆຄູນຄໍາ, ທ່ານ ລໍ້າເລີດ ຫອມບຸດສະວົງ ຮອງປະທານສະຫະພັນກໍາມະບານເມແຂວງ, ຫົວໜ້າຄະນະຈັດຕັ້ງເມືອງ, ມີປະທານສະຫະພັນກໍາມະບານເມືອງ, ກໍາມະບານຮາກຖານອ້ອມຂ້າງເມືອງເຂົ້າຮ່ວມ.
ທ່ານ ສຸລິຍົງ ໂພຄໍາ ຫົວໜ້າຄະນະຈັດຕັ້ງເມືອງ ໄດ້ຜ່ານຂໍ້ຕົກລົງຂອງເຈົ້າເມືອງໆຄູນຄໍາ ສະບັບເລກທີ 98/ຈມ.ຄຄ ລົງວັນທີ 7 ມິຖຸນາ 2018 ວ່າດ້ວຍການ ອະນຸມັດເຫັນດີແຕ່ງຕັ້ງ ທ່ານ ຄໍາປັນ ໄຊຍະວົງ ຫົວໜ້າ ຫນວ່ຍງານໂຄສະນາ, ສື່ສານມວນຊົນ ແລະ ຂະບວນການ ເປັນຮອງປະທານ ສະຫະພັນກໍາມະບານ ເມືອງ ຄູນຄໍາ. ໃນ
ຕອນທ້າຍຂອງພິທີຄະນະປະທານ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ ຮອງປະທານສະຫະພັນກໍາມະບານເມືອງ ທີ່ໄດ້ມີການເຄື່ອນໄຫວຕາມສິດພາລະບົດບາດຂອງຕົນຢ່າງມີຜົນສໍາເລັດ ແລະ ເນັ້ນໜັກໃຫ້ເອົາໃຈໃສ່ຕໍ່ວຽກງານໃໝ່ທີ່ໃຫຍ່ຫລວງກວ່າເກົ່າ ຊີ້ນໍາ-ນໍາພາຕາມວຽກງານທີ່ໄດ້ຮັບມອບໝາຍ ກໍ່ຄືວຽກງານກໍາມະບານໃຫ້ມີຜົນສໍາເລັດຢ່າງຈົບງາມ.
Editor: ນັກຂ່າວເມືອງຄູນຄຳ
