ໃນທ້າຍອາທິດຜ່ານມາ ຢູ່ທີຫ້ອງປະຊຸມ ເມືອງຫົງສາ, ພະແນກຍຸຕິທໍາແຂວງໄຊຍະບູລີ ໄດ້ລົງເຄື່ອນໄຫວເຜີຍແຜ່ກົດໝາຍ ຢູ່ເມືອງຫົງສາ ນໍາໂດຍ ທ່ານ ປອ ບຸນລື ສົມສັກດີ ຮອງຫົວໜ້າພະແນກຍຸຕິທໍາແຂວງໄຊຍະບູລີ ໃຫ້ກຽດເຂົ້າຮ່ວມຮັບຟັງ ທ່ານນາງ ດາວ ວິນລາດຊະກິດ ຮອງເຈົ້າເມືອໆຫົງສາ, ມີພະນັກງານການນໍາຂອງເມືອງ, ຫົວໜ້າ, ຮອງຫົວໜ້າຫ້ອງການ, ກົມກອງອອ້ມຂ້າງເມືອງ ພອ້ມດ້ວຍພະນັກງານຫຼັກແຫຼ່ງຂອງເມືອງ ເຂົ້າຮວ່ມ 200 ກ່ວາທ່ານ.

ກອງປະຊຸມຜູ່ເຂົ້າຮ່ວມໄດ້ພ້ອມກັນຮັບຟັງ ການເຜີຍແຜ່ບາງມາດຕະການຂອງລັດຖະທໍາມະນູນແຫ່ງຊາດລາວ, ກົດໝາຍວ່າດ້ວຍການສ້າງນິຕິກໍາ, ກົດໝາຍອາຍາທີ່ກຽ່ວຂ້ອງ, ກົດໝາຍຂໍ້ຜູກພັນໃນສັນຍາ ແລະ ບາງມາດຕາກົດໝາຍຄອບຄົວ, ພ້ອມນັ້ນຜູ່ເຂົ້າຮ່ວມຍັງໄດ້ມີຄໍາເຫັນຕໍ່ການລົງເຜີຍແຜ່ກົດໝາຍໃນຄັ້ງນີ້ ເພື່ອແລກປຽ່ນບົດຮຽນ ແລະ ຖອດຖອນບົດຮຽນ ການລົງຈັດຕັ້ງປະບັດວຽກງານໃນຄັ້ງນີ້, ໃນໂອກາດນີ້ຜູ່ເຂົ້າຮ່ວມຍັງໄດ້ຮັບຟັງ ການເຜີຍແຜ່ເອກະສານວັນແພດລາວ ແລະ ຮັບຟັງການເຜີຍແຜ່ວຽກງານປ້ອງກັນພະຍາດໄຂ້ຍຸງລາຍຢູ່ພາຍໃນເມືອງຕື່ມອີກ

ທັງນີ້ກໍ່ເພື່ອເຮັດໃຫ້ພະນັກງານຫຼັກແຫຼ່ງຂອງເມືອງ ໃຫ້ຮັບຮູ້ ແລະ ເຂົ້າໃຈຢ່າງເລີກເຊີ່ງເພື່ອນໍາໄປຈັດຕັ້ງປະຕິບັດໃນຕໍ່ໜ້າ

Editor: ກຳປານາດ ລັດຖະເຮົ້າ