ຢູ່ທີ່ຫ້ອງປະຊຸມພະແນກຍຸຕິທຳ ແຂວງຄຳມວ່ນ ໄດ້ມີພິທີ ມອບ-ຮັບ ໜ້າທີ່ ລະຫວ່າງຫົວ ໜ້າພະແນກຍຸຕິທຳແຂວງ ຜູ້ເກົ່າ ແລະ ຜູ້ໃໝ່ ຂຶ້ນໃນວັນທີ 19 ມິຖຸນາ 2018 ຜ່ານມາ.
ໃນພິທີ ມີ ທ່ານ ຈັນທາ ພົມມະສອນ ກຳມະການພັກແຂວງ, ຫົວໜ້າພະແນກຍຸຕິທຳແຂວງ ຄຳມ່ວນ (ຜູ້ເກົ່າ) ຊຶ່ງທ່ານຈະໄປຮັບໜ້າທີ່ໃໝ່ຢູ່ ຫ້ອງວ່າການປົກຄອງແຂວງ ຄໍາມ່ວນ ແລະ ທ່ານ ຄໍາເຜົ່າ ທອງເທພາຮັກ ກຳມະການພັກແຂວງ, ເຈົ້າເມືອງບົວລະພາ ມາເປັນຫົວໜ້າພະແນກຍຸຕິທໍາແຂວງ ຄຳມ່ວນ (ຜູ້ໃໝ່).
ໂດຍການເປັນກຽດເຂົ້າຮ່ວມ ຂອງ ທ່ານ ໄຊສີ ສັນຕິວົງ ລັດຖະມົນຕີ ກະຊວງຍຸຕິທຳ, ແລະ ທ່ານ ໂອໃດ ສຸດາພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງຄໍາມ່ວນ, ມີທ່ານຫົວໜ້າຫ້ອງການ ກະຊວງຍຸຕິທຳ ພ້ອມດ້ວຍຄະນະ, ບັນດາຫົວໜ້າ, ຮອງຫົວໜ້າພະແນກການອ້ອມຂ້າງແຂວງ ແລະ ພະນັກງານພະແນກຍຸຕິທໍາແຂວງ ເຂົ້າຮ່ວມຢ່າງພ້ອມພຽງ ເພື່ອເປັນສັກຂີພະຍານ.
ພ້ອມກັນນັ້ນ ທ່ານ ທ່ານ ໄຊສີ ສັນຕິວົງ ລັດຖະມົນຕີ ກະຊວງຍຸຕິທຳ ຍັງໄດ້ໃຫ້ກຽດມີຄໍາເຫັນໂອ້ລົມຕໍ່ກັບພິທີມອບ-ຮັບ ໜ້າທີ່ ດັ່ງກ່າວຢ່າງມີຄວາມໝາຍ ໂດຍເນັ້ນໃຫ້ເອົາໃຈໃສ່ໃນການປະຕິບັດຫນ້າທີ່ຂອງຕົນ ໃຫ້ໄດ້ຮັບຜົນສໍາເລັດ ໃນແຕ່ລະດ້ານ.
Editor: ກຳປານາດ ລັດຖະເຮົ້າ
