ພິທີເປີດຊຸດຝຶກອົບຮົມສ້າງຄວາມສາມາດ ແລະ ຄວາມຊໍານານ ໃນດ້ານການພັດທະນາ - ຄຸ້ມຄອງ ແລະ ການໂຄສະນາ ຂໍ້ມູນຂ່າວສານ ກ່ຽວກັບການຄຸ້ມຄອງປ່າສະຫງວນ ແລະ ສັດນໍ້າ - ສັດປ່າ ໃຫ້ກັບບັນດາພະນັກງານລັດຖະກອນ ບັນດາແຂວງ ພາກກາງ ແລະ ພາກໃຕ້. ຊຸດຝຶກອົບຮົມສ້າງຄວາມສາມາດ ແລະ ຄວາມຊໍານານ ໃນດ້ານການພັດທະນາ - ຄຸ້ມຄອງ ແລະ ການໂຄສະນາ ຂໍ້ມູນຂ່າວສານ ກ່ຽວກັບການຄຸ້ມຄອງປ່າສະຫງວນ ແລະ ສັດນໍ້າ - ສັດປ່າ ຄັ້ງນີ້, ຂັດຂື້ນ ລະຫວ່າງວັນທີ 18-26 ມີຖຸນາ 2018 ແລະ ໄດ້ເປີດຂື້ນຢ່າງເປັນທາງການ ໃນວັນທີ 18 ມີຖຸນາ 2018 ຜ່ານມາຢູ່ທີ ສູນໄອຊີທີ ແຂວງບໍລິຄໍາໄຊ. ພາຍໃຕ້ການເປັນປະທານຂອງ ທ່ານນາງ ປອ ວຽງສະຫວັນ ດວງສະຫວັນ ຮອງຫົວໜ້າຫ້ອງວ່າການ ສໍານັກງານນາຍົກລັດຖະມົນຕີ, ມີບັນດາຄະນະຊີ້ນໍາໂຄງການ, ຫົວໜ້າກົມທີກ່ຽວຂ້ອງ ຕະຫຼອດຮອດບັນດາສໍາມະນາກອນທີມາຈາກບັນດາແຂວງ ພາກກາງ ແລະ ພາກໃຕ້ເຂົ້າຮ່ວມ.

ຈຸດປະສົງໃນການຈັດຊຸດຝຶກອົບຮົມໃນຄັ້ງນີ້ ກໍ່ເພຶ່ອເປັນການສ້າງຄວາມເຂັ້ມແຂງ ໃຫ້ແກ່ບັນດາພະນັກງານ - ລັດຖະກອນ ຫ້ອງການສໍານັກງງານາຍົກ ກັບບັນດາຫ້ອງວ່າການປົກຄອງແຂວງ ນະຄອນຫຼວງວຽງຈັນ ໃນທົ່ວປະເທດ ເພຶ່ອເຮັດໜ້າທີເປັນເສນາທິການໂຄສະນາເຜີຍແຜ່ ແລະ ການສະໜອງຂໍ້ມູນຂ່າວສານ ໃຫ້ແກ່ການນໍາ ກໍ່ຄືສັງຄົມ ໄດ້ຢ່າງຖືກຕ້ອງ ວ່ອງໄວ ຊັດເຈນ ດ້ວຍຫຼາກຫຼາຍຮູບແບບ ເພຶ່ອໃຫ້ມີປະສິດທິພາບ - ປະສິດທິຜົນດີຂຶ້ນກວ່າເກົ່າ. ເພຶ່ອພ້ອມກັນແລກປ່ຽນຄໍາຄິດ - ຄໍາເຫັນ ກ່ຽວກັບການຈັດຕັ້ງປະຕິບັດ. ວຽກງານການຄຸ້ມຄອງປ່າສະຫງວນ ແລະ ການສຶກສາຄົ້ນຄວ້າຫາມາດຕະການ ເພຶ່ອມາປັບປຸງແກ້ໄຂ. ພ້ອມກັນນັ້ນໃນຊຸດຝຶກອົບຮົມດັ່ງກ່າວ ຍັງຈະໄດ້ຮັບຟັງພາກທິດສະດີ ແລະ ແລກປ່ຽນຄໍາຄິດ - ຄໍາເຫັນ ກ່ຽວກັບການຂຽນບົດຂ່າວ. ບົດຄວາມ, ເຕັກນິກການຖ່າຍພາບ, ລາຍການວິທະຍຸ ແລະ ເຕັກນິກການຖ່າຍທໍາວິດີໂອ.

ການສໍາພາດປະຊາຊົນ ແລະ ພາກສ່ວນທີ່ກ່ຽວຂ້ອງ ເພຶ່ອເປັນຂໍ້ມູນໃນການຂຽນບົດຄວາມ, ບົດຂ່າວ ເພຶ່ອນໍາໄປເຜີຍແຜ່ຜ່ານສື່ຕ່າງໆ ລວມທັງ ເປັນການສະໜອງຂໍ້ມູນໃຫ້ແກ່ການສ້າງສາລະຄະດີ. ທີຕິດພັນກັບວຽກງານການຄຸ້ມຄອງປ່າສະຫງວນ ແລະ ສັດນໍ້າສັດປ່າ . ການເປີດຊຸມຝຶກອົບຮົມໃນຄັ້ງນີ້ ແມ່ນໄດ້ດໍາເນີນໄປເປັນເວລາ 9 ວັນເຕັມຈຶ່ງຈະສິ້ນສຸດລົງ

 ແຫລ່ງຂ່າວ ທີມຂ່າວ ແຂວງບໍລິຄໍາໄຊ

Editor: ກຳປານາດ ລັດຖະເຮົ້າ