ໃນວັນທີ່ 22 ມິຖຸນາ 2018 ນີ້, ທີ່ຫ້ອງປະຊຸມຂອງກະຊວງແຮງງານ ແລະ ສະຫວັດດີການສັງຄົມ, ສະຫາຍ ຄຳຂານ ພິນສະຫວັນ ຄະນະປະຈຳພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ, ສະຫາຍ ນາງແກ້ວ ຈັນທະວີໄຊ, ປະທານສະຫະພັນແມ່ຍິງ ກະຊວງແຮງງານ ແລະ ສະຫວັດດີການສັງຄົມ, ໃຫ້ກຽດເປັນປະທານໃນກອງປະຊຸມ ໃຫຍ່ ຄັ້ງທີ 2 ຫນ່ວຍພັກສະຫະພັນແມ່ຍິງ. ພ້ອມນີ້ຍັງມີບັນດາສະຫາຍຜູ້ຕາງໜ້າອົງການຈັດຕັ້ງມະຫາຊົນ ຊາວໜຸ່ມ, ແມ່ຍິງ, ກຳມະບານ ແລະ ສະມາຊິກແມ່ຍິງ ພາຍໃນກົມ ເຂົ້າຮ່ວມ.
ໃນພິທີດັ່ງກ່າວ ໄດ້ຮັບຟັງການຜ່ານເນຶ້ອໃນບົດສະຫຼຸບລາຍງານ, ຜ່ານບົດສຳຫຼວດ ແລະ ກ່າວອຳລາຕຳ ແໜ່ງຂອງຄະນະໜ່ວຍແມ່ຍິງຊຸດເກົ່າຂອງ ກົມຈັດຕັ້ງ ແລະ ພະນັກງານ ສະເໜີໂດຍ ສະຫາຍ ນາງ ອານົງຮັກ ຫວ່າງວັນທານຸວົງ ; ແລະ ພາຍໃນກອງປະຊຸມຍັງໄດ້ດໍາເນີນການປ່ອນ ບັດຄັດເລືອກເອົາຄະນະໜ່ວຍແມ່ຍິງຊຸດໃໝ່ ຂອງກົມຈັດຕັ້ງ ແລະ ພະນັກງານ; ຜົນຂອງການຄັດເລືອກໃນຄັ້ງນີ້ແມ່ນ ຄື: ສະຫາຍນາງ ລັດດາຄຳ ມັງໜໍ່ເມກ ເປັນຫົວໜ້າໜ່ວຍ, ສະຫາຍ ນາງ ປາໄນ ວຽງວິໄລ ເປັນຮອງໜ່ວຍ ແລະ ນາງຈີ່ລະວັດ ໄຊຍາລາດ ເປັນກຳມະການ ແມ່ຍິງ ກົມຊຸດໃໝ່.
ໃນໂອກາດນີ້ ສະຫາຍ ນາງແກ້ວ ຈັນທະວີໄຊ, ປະທານສະຫະພັນແມ່ຍິງ ກະຊວງ ແຮງງານ ແລະ ສະຫວັດດີການສັງຄົມ ໄດ້ໃຫ້ກຽດໂອ້ລົມ ແລະ ມີຄໍາຄິດເຫັນຕໍ່ກອງປະຊຸມວ່າ: ໃຫ້ສະມາຊິກທຸກສະຫາຍຈົ່ງຕັ້ງໜ້າບຸກບືນ ປະຕິບັດໜ້າທີ່ວຽກງານ, ເຊື່ອມເຊືອມບັນດານະໂຍບາຍແນວທາງໃຫ້ເລິກເຊິ່ງຕາມການ ປ່ຽນແປງໃໝ່ ຂອງແຕ່ລະໄລຍະ ເປັນຕົ້ນແມ່ນເຊື່ອມເຊືອມມະຕິ 10 ຂອງພັກ ແລະ 4 ບຸທະລຸ; ພ້ອມນີ້ ສະຫາຍ ຍັງໄດ້ກ່າວອີກວ່າ: ວຽກງານຂອງສະຫະພັນແມ່ຍິງ ຈະຕ້ອງໄດ້ປະຕິບັດຄື ການຊອກຮູ້ຮ່ຳຮຽນດ້ານທິດສະດີການເມືອງ-ວິທະຍາສາດ ແລະ ເຕັກໂນໂລຊີ, ມີສະຕິ ປະຕິບັດກົດລະບຽບຂອງອົງການຈັດຕັ້ງແມ່ຍິງ ຕັ້ງໜ້າປະກອບສ່ວນ ເຂົ້າໃນວຽກງານ, ເຂົ້າຮ່ວມທຸກຂະບວນການຂອງອົງການຈັດຕັ້ງ, ປົກປ້ອງສິດຜົນປະໂຫຍດຂອງແມ່ຍິງດ້ວຍກັນ, ເປັນແບບຢ່າງທີ່ໃນສັງຄົມ, ເພື່ອມິດສະຫາຍ ແລະ ຄອບຄົວ, ຍົກສູງບົດບາດຂອງແມ່ຍິງໃຫ້ສູງຂື້ນ ທຽບເທົ່າກັບເພດຊາຍ ພ້ອມກັນພັດທະນາປະເທດຊາດຢ່າງຕັ້ງໜ້າ.
Editor: ກຳປານາດ ລັດຖະເຮົ້າ
