ກຸ່ມແພ່ງ ແລະ ເສດຖະກິດ ຮ່ວມກັບອົງການໄຈກາ ປະຈຳລາວ ໄດ້ຈັດກອງປະຊຸມເຜີຍແຜ່ ປຶ້ມມຄູ່ມືອະທິບາຍ ກົດໝາຍວ່າດ້ວຍ ແຮງງານ ຄັ້ງທີ 2 ຂຶ້ນ ໃນວັນທີ 22 ມີຖຸນາ 2018 ຢູ່ທີ່ຫ້ອງປະຊຸມ ກະສິກຳ ແລະ ປ່າໄມ້ ແຂວງຫຼວງພະບາງ ໂດຍໃຫ້ກຽດເຂົ້າຮ່ວມ ແລະ ເປັນປະທານຂອງ ທ່ານ ສົມສັກ ໄຕບຸນລັກ ປະທານສານປະຊາຊົນພາກກາງ, ຫົວໜ້າກຸ່ມແພ່ງ ແລະ ເສດຖະກິດ, ມີ ທ່ານ ອິຣິເອະ ຄາຊຶໂນຣິ ຜູ້ຊ່ຽວຊານດ້ານກົດໝາຍ ປະຈຳໂຄງການໄຈກາ ພ້ອມຄະນະ, ບັນດາທ່ານຜູ້ຕາງໜ້າຈາກພະແນກແຮງງານສະຫວັດດີການສັງຄົມ ແຂວງຫຼວງພະບາງ, ແຂວງຫຼວງນໍ້າທາ, ແຂວງບໍ່ແກ້ວ, ແຂວງອຸດົມໄຊ ແລະ ແຂວງໄຊຍະບູລີ, ຕາງໜ້າພະແນກອຸດສະຫະກຳການຄ້າແຂວງ, ພະແນກແຜນການ ແລະ ການລົງທຶນແຂງ, ກຳມະບານແຂວງ, ສານປະຊາຊົນແຂວງ, ໄອຍະການແຂວງ ພ້ອມດ້ວຍສະມາຊິກະແພ່ງ ແລະ ເສດຖະກິດ ຈຳນວນ 60 ທ່ານ, ເຂົ້າຮ່ວມ
ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອເຜີຍແຜ່ເນື້ອໃນປຶ້ມຄູ່ມືອະທິບາຍກົດໝາຍວ່າດ້ວຍ ແຮງງານ ໃຫ້ແກ່ຜູ້ເຂົ້າຮ່ວມ ເພື່ອສ້າງຄວາມຮັບຮູ້ ແລະ ເຂົ້າໃຈໃຫ້ເປັນເອກະພາບກັນໃນການໃນການຈັດຕັ້ງປະຕິບັດ ກ່ຽວກັບວຽກງານແຮງງານ ແລະ ການແກ້ໄຂບັນຫາແຮງງານ ຢູ່ ສປປ ລາວ.
ໃນກອງປະຊຸມໄດ້ຮັບການເຜີຍແຜ່ຂອງສະມາຊິກກຸ່ມແພ່ງ ແລະ ເສດຖະກິດ ຊຶ່ງເນື້ອໃນເຜີຍແຜ່ປະກອບດ້ວຍ ຄວາມຮູ້ທົ່ວໄປກ່ຽວກັບກົດໝາຍແຮງງານ; ສັຍຍາແຮງງານ; ເວລາເຮັດວຽກ, ເວລາພັກຜ່ອນ, ການພັກວຽກ ແລະ ການລາພັກ; ເງິນເດືອນ ຫຼື ຄ່າແຮງງານ; ຄວາມປອດໄພ ແລະ ສຸຂະພາບແຮງງານ; ການແກ້ໄຂຂໍ້ຂັດແຍ່ງດ້ານແຮງງານ ລວມທັງແຮງງານລາວ ຢູ່ຕ່າງປະເທດ ແລະ ແຮງງານຕ່າງປະເທດ ຢູ່ ສປປ ລາວ.
ພາຍຫຼັງທີ່ເຜີຍແຜ່ເນື້ອໃນແລ້ວ ບັນດາທ່ານສະມາຊິກກຸ່ມແພ່ງ ແລະ ບັນດາສຳມະນາກອນ ກໍໄດ້ຮ່ວມກັນສົນທະນາ, ຖາມ-ຕອບ ກ່ຽວກັບບັນຫາ ແຮງງານ ຢ່າງກົງໄປກົງໄປມາ ແລະ ມີຄວາມເປັນເອກະພາບກັນສູງ ທາງດ້ານທິດສະດີກົດໝາຍ ແລະ ການຈັດຕັ້ງປະຕິບັດຕົວຈິງ.
Editor: ກຳປານາດ ລັດຖະເຮົ້າ
