ໂດຍອິງຕາມກົດຫມາຍວ່າດ້ວຍ: ພະນັກງານ-ລັດຖະກອນ ສະບັບເລກທີ 14/ນຍ ລົງວັນທີ 18 ທັນວາ 2015, ອິງຕາມຂໍ້ຕົກລົງ ເຈົ້າແຂວງວຽງຈັນ ສະບັບເລກທີ 072/ຈຂວຈ ລົງວັນທີ 27 ມິຖຸນາ 2017 ວ່າດ້ວຍ: ການອະນຸມັດແຕ່ງຕັ້ງ ຮອງເຈົ້າແຂວງວຽງຈັນ ແລະ ອິງຕາມຂອງເຈົ້າແຂວງວຽງຈັນ ສະບັບເລກທີ 518/ຈຂວຈ ລົງວັນທີ 6 ມີຖຸນາ 2018 ວ່າດ້ວຍ: ການແຕ່ງຕັ້ງຜູ້ຮັກສາການ ຫົວຫນ້າພະແນກ ແລະ ຮອງພະແນກການເງິນແຂວງວຽງຈັນ.
ດັ່ງນັ້ນ ໃນທ້າຍອາທິດຜ່ານມາ ພະແນກການເງິນແຂວງວຽງຈັນ ໄດ້ຈັດພິທີ ມອບ-ຮັບ ຫນ້າທີ່ ລະຫວ່າງ ທ່ານ ດາວເຮືອງ ນັນທະວົງ ຫົວຫນ້າພະແນກການເງິນແຂວງວຽງຈັນ (ຜູ້ເກົ່າ) ແລະ ທ່ານ ຄໍາເລັກ ທອງສະຫວັດ ຮັກສາການຫົວຫນ້າພະແນກການເງິນແຂວງວຍງຈັນ (ຜູ້ໃຫມ່) ເຊີ່ງພິທີດັ່ງກ່າວ ໄດ້ຈັດຂື້ນຢູ່ທີ່ຫ້ອງວ່າການປົກຄອງແຂວງວຽງຈັນ ແລະ ໃຫ້ກຽດເຂົ້າຮ່ວມຂອງ ທ່ານ ວີດົງ ໄຊຍະສອນ ເລຂາພັກແຂວງ, ເຈົ້າແຂວງວຽງຈັນ ພ້ອມນີ້ ຍັງມີຫົວຫນ້າພະແນກ-ຮອງພະແນກ ການທີ່ກ່ຽຊ້ອງ. ຂະແຫນ່ງການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
Editor: ກຳປານາດ ລັດຖະເຮົ້າ
