ເມືອງວຽງທອງ ແຂວງບໍລິຄຳໄຊ ໄດ້ຈັດພິທີປາຖະກະຖາເຜີຍແຜ່ເອກະສານສະພາບການຊາຍແດນລາວ-ກຳປູເຈຍ ຮອບທີ 2 ຂື້ນໃນວັນທີ 29 ມີຖຸນາ 2018 ຢູ່ຫ້ອງປະຊຸມຊັ້ນ III ຫ້ອງວ່າການປົກຄອງເມືອງວຽງທອງ ແຂວງບໍລິຄຳໄຊ ເປັນກຽດເຂົ້າຮ່ວມ ແລະ ເຜີຍແຜ່ຂອງ ທ່ານ ສົມໃຈ ຊົ່ງລາວາງ, ຮອງເລຂາພັກເມືອ, ປະທານແນວລາວສ້າງຊາດເມືອງ, ມີຫົວໜ້, ຮອງຫົວໜ້າຫ້ອງການ, ເລຂາຄະນະພັກຮາກຖານ, ພະນັກງານສະມາຊິກພັກ, ລັດຖະກອນ, ກຳລັງປະກອບວາວຸດ, ຄະນະພັກບ້ານ-ນາຍບ້ານອ້ອມຂ້າງເມືອງເຂົ້າຮ່ວມ.
ຈຸດປະສົງເຜີຍແຜ່ເອກະສານສໍາຄັນໃນຄັ້ງນີ້ ກໍ່ເພື່ອເຮັດໃຫ້ພະນັກງານຫຼັກແຫຼ່ງຂອງເມືອງໄດ້ຮັບຮູ້ຄວາມເປັນມາທາງດ້ານປະຫວັດສາດລະຫວ່າງ ລາວ- ກຳປູເຈຍ ນັບແຕ່ໄລຍະການຕໍ່ສູ້ປົດປ່ອຍຊາດ ເພື່ອຄວາມເປັນເອກະລາດຈົນເຖີງປະຈຸບັນ. ເຊື່ງໃນປີ 1995 ລັດຖະບານສອງປະເທດໄດ້ຕົກລົງກັນເຫັນດີໃຫ້ມີການສຳຫຼວດ ແລະ ປັກຫຼັກຊາຍແດນຮ່ວມກັນ ໂດຍອີງໃສ່ 4 ຫລັກການພື້ນຖານທີ່ຕົກລົງກັນ ຄື: 1. ບົນພື້ນຖານຮັບຮູ້ເຂດແດນຕິດຈອດກັນ, ເຂດແດນທີ່ມີມາແຕ່ຕົກເປັນຫົວເມືອງຂື້ນ ໂດຍອີງຕາມແຜນທີ 1 ສ່ວນ100.000. ປີ 1955 ແລະ ແຜນທີອື່ນໆ ທີ່ກ່ຽວຂ້ອງພິມອອກແຕ່ປີ 1933-1953 ໂດຍພະແນກແຜນທີອິນດູຈີນ, ບົນພື້ນຖານຫຼັກການຕ່າງໆທີ່ສາກົນຮັບຮູ້ກ່ຽວກັບການຂີດເສັ້ນຊາຍແດນ, ບົນພື້ນຖານທີ່ຄໍານຶງເຖີ່ງເຂດທີ່ປະຊາຊົນຄຸ້ມຄອງຕົວຈີງ ທີ່ສືບທອດກັນມາຫຼາຍເຊັ່ນຄົນ, ບົນພື້ນຖານຄວາມສະເໝີພາບ, ທ່ຽງທໍາ, ສົມເຫດສົມຜົນ, ຜ່ອນສັ້ນຜ່ອນຍາວໃຫ້ກັນ ເຄົາລົບສິດ ແລະ ຜົນປະໂຫຍດຕໍ່ກັນ ແລະ ເປັນເອກະພາບຢ່າງສົມບູນ.
Editor: ເມືອງວຽງທອງ
