ໃນສື່ສັງຄົມອອນລາຍ ມີຜູ້ໃຊ້ເຟດບຸ໋ກທ່ານຫນຶ່ງ ໄດ້ເຜີຍແຜ່ພາບວີດີໂອ ພ້ອມທັງບັນລະຍາຍເຖິງຄວາມສວຍງາມຂອງທະເລຫມອກ ໃນເຊົ້າວັນທີ 1 ກໍລະກົດ 2018 ຢູ່ທີ່ບໍລິເວນຈຸດຊົມວິວ ພູເກົ້າຫລັກ ເມືອງກາສີ, ແຂວງວຽງຈັນ ຫາ ເມືອງນານ, ແຂວງຫລວງພະບາງ. ຊຶ່ງຈາກການຖາມປະຊາຊົນບໍລິເວນດັ່ງກ່າວ ໄດ້ຂໍ້ມູນວ່າ: ທະເລຫມອກ ທີ່ເຫັນ ແມ່ນເກີດຂື້ນໄດ້ປະມານ 6-7 ວັນແລ້ວ ຊຶ່ງບໍລິເວນດັ່ງກ່າວມີອຸ່ນຫະພູມ 14 ອົງສາ ມີສາຍລົມພັດເບົາໆ ພ້ອມນັ້ນ, ກໍ່ຍັງມີພື້ນທີ່ນັ່ງພັກຜ່ອນ ແລະ ຈຸດພັກລົດອີກຕື່ມ.
ຈຸດຊົມວິວດັ່ງກ່າວ ແມ່ນຫ່າງຈາກນະຄອນຫລວງວຽງຈັນ ປະມານ 240 ກິໂລແມັດ ເສັ້ນທາງໄປມາ ກໍ່ສາມາດເດີນທາງໄດ້ປົກກະຕິໄລຍະນີ້ ຫາກທ່ານໃດມີໂອກາດເດີນທາງຂື້ນໄປທາງນັ້ນ ກໍ່ສາມາດແວະຊົມໄດ້ ເຖິງຄວາມສວຍງາມຂອງ ທະເລຫມອກ ຈຸດຊົມວິວ ພູກົ້າຫລັກ.
Editor: ຕະວັນ ແສງສະຫວັນ
