ກອງປະຊຸມທາບທາມເອົາບຸກຄະລາກອນເຂົ້າໃນໂຄງປະກອບ ຄະນະບໍລິຫານງານສະຫະພັນແມ່ຍິງເມືອງ ໄຊບົວທອງ ຊຸດໃໝ່ ເຊິ່ງໄດ້ຈັດຂຶ້ນໃນວັນທີ 3 ກໍລະກົດ 2018 ທີ່ສະໂມສອນສຳນັກງານປົກຄອງເມືອງ ໂດຍການເປັນປະທານຂອງທ່ານ ນາງ ພຸດທາ ປຸນທິລາດ ປະທານສະຫະພັນແມ່ຍິງເມືອງ, ມີທ່ານ ຈັນທະວົງ ໄຊຍະແສງ ປະທານແນວລາວສ້າງຊາດເມືອງ, ທ່ານ ບຸນລິ່ນ ລັ່ງບົວໄຂ ຫົວໜ້າຄະນະຈັດຕັ້ງເມືອງ ຄະນະບໍລິຫານງານສະຫະພັນແມ່ຍິງ, ປະທານ-ຮອງປະທານ ໜວຍ່ສະຫະພັນແມ່ຍິງໃນທົ່ວເມືອງ ແລະ ສະມາຊິກສະຫະພັນແມ່ຍິງເຂົ້າຮ່ວມ 100 ກວ່າທ່່ານ.
ກອງປະຊຸມຄັ້ງນີ້ ທ່ານ ສອນໄຊ ອໍລະວັນ ຮອງຫົວໜ້າຄະນະຈັດຕັ້ງເມືອງ ໄດ້ສະເໜີຜ່ານເອກກະສານ ມາດຖານ ແລະ ເງື່ອນໄຂຜູ້ສະໝັກຮັບເລືອກຕັ້ງເຂົ້າເປັນຄະນະບໍລິຫານງານສະຫະພັນແມ່ ຍິງເມືອງ ຊຸດໃໝ່ ເຊິ່ງມາດຖານແຕ່ລະດ້ານມີຄື: ດ້ານຄຸນທາດການເມືອງ, ດ້ານຄວາມຮູ້ ແລະ ບົດຮຽນໃນພຶດຕິກໍາ, ດ້ານຄວາມສາມາດ ແລະ ປະຕິບັດນະໂຍບາຍຂອງພັກ-ລັດ, ດ້ານແບບແຜນວິທີເຮັດວຽກ ແລະ ດ້ານສຸຂະພາບ. ໃນໂອກາດນີ້ ທ່ານ ນາງ ພຸດທາ ປຸນທິລາດ ປະທານສະຫະພັນແມ່ຍິງເມືອງ ກໍ່ໄດ້ອະທິບາຍຕື່ມ ຕໍ່ບັນດາຜູ້ເຂົ້າຮ່ວມກອງປະຊຸມໄດ້ເຂົ້າໃຈຢ່າງເລິກເຊິ່ງ ໃນການເລືອກເອົາຜູ້ສະໝັກເຂົ້າເປັນຄະນະບໍລິຫານງານສະຫະພັນແມ່ຍິງເມືອງໄຊບົວທອງ ຊຸດໃໝ່ ໃຫ້ຖືກຕ້ອງ ແລະ ສອດຄ່ອງກັບມາດຖານເງື່ອນໄຂແຕ່ລະດ້ານ ແລະ ຈຸດປະສົງກອງປະຊຸມກໍ່ເພື່ອປະຕິບັດຕາມກົດລະບຽບຂອງສະຫະພັນແມ່ຍິງລາວ ສະໄໝທີ VII ວາງອອກ ພ້ອມນີ້ ກໍ່ເພື່ອເປັນການຄັດເລືອກໃຫ້ໄດ້ບຸກຄະລາກອນ ທີ່ຖືກຕ້ອງຕາມມາດຖານເງື່ອນໄຂເຂົ້າໃນໂຄງປະກອບຄະນະບໍລິຫານງານສະຫະພັນແມ່ຍິງຂັ້ນເມືອງ ໂດຍຜູ້ສະໝັກຕ້ອງມີມາດຖານເງື່ອນໄຂຄົບຖ້ວນຕາມທີ່ກຳນົດໄວ້ ແລະ ບັ້ນການທາບທາມບຸກຄະລາກອນເຂົ້າໃນໂຄງປະກອບຄະນະບໍລິຫານງານສະຫະພັນແມ່ຍິງເມືອງໄຊບົວທອງ ຊຸດໃໝ່ໃນຄັ້ງນີ້ ແມ່ນເປັນຮອບທີ 1.
Editor: ນັກຂ່າວເມືອງໄຊບົວທອງ
