ໃນອາທິດຜ່ານມານີ້ ຢູ່ທີ່ເມືອງໂພນໄຊ ແຂວງຫຼວງພະບາງ ໄດ້ຈັດກອງປະຊຸມເຜີຍແຜ່ເຊື່ອມຊຶມມະຕິ, ຄໍາສັ່ງ ຂອງກົມການເມືອງສູນກາງພັກ ກ່ຽວກັບວຽກງານສ້າງພັກ-ພະນັກງານ ໂດຍການເປັນປະທານຂອງ ທ່ານ ສີຈັນ ລັດສະຫມີ, ເຈົ້າເມືອງໆໂພນໄຊ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ຮອງຫ້ອງການ, ເລຂາ, ຮອງເລຂາຄະນະຮາກຖານ ທັງ 9 ກຸ່ມບ້ານທົ່ວເມືອງ ແລະ ເລຂາ, ຮອງເລຂາໜ່ວຍພັກສໍານັກງານອົງການອ້ອມຂ້າງເມືອງເຂົ້າຮ່ວມ.
ໃນພິທີຄະນະປະຈໍາພັກເມືອງແຕ່ລະສະຫາຍໄດ້ພັດປ່ຽນກັນຂຶ້ນເຜີຍແຜ່ເຊື່ອມຊຶມບັນດາມະຕິ, ຄໍາສັ່ງ ແລະ ຄໍາແນະນໍາ ຂອງກົມການເມືອງສູນກາງພັກ ທັງໜົດມີ 6 ເອກະສານຄື: ຄໍາສັ່ງເລກທີ 01ຂອງກົມການເມືອງສູນພັກ ວ່າດ້ວຍການເພີ່ມທະວີ ການສ້າງໜ່ວຍພັກປອດໃສເຂັ້ມແຂງໜັກແໜ້ນ, ມະຕິເລກທີ 030/ກມສພ, ວ່າດ້ວຍມາດຖານຂອງພະນັກງານນໍາພາ-ຄຸ້ມຄອງ, ມະຕິເລກທີ 031/ກມສພ, ການຄຸ້ມຄອງພະນັກງານ ແລະ ມະຕິເລກທີ 032/ກມສພ, ວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງພະນັກງານ ແລະ ຄໍາແນະນໍາຂອງຄະນະຈັດຕັ້ງສູນກາງພັກເລກທີ 291 ການຈັດຕັ້ງປະຕິບັດຄໍາສັ່ງຂອງກົມການເມືອງສູນກາງພັກ ການເພີ່ມທະວີ ການກໍ່ໍສ້າງໜ່ວຍພັກປອດໃສເຂັ້ມແຂງໜັກແໜ້ນ ແລະ ຄໍາແນະນໍາ ການປະຕິບັດມະຕິເລກທີ 292 ຂອງກົມການເມືອງສູນການພັັກ ຂອງການຄຸ້ມຄອງພະນັກງານ ແລະ ສ້າງແຜນກໍານົດພະນັກງານນໍາພາ-ຄຸ້ມຄອງ ຄະນະພັກ ສະມາຊິກພັກຕ້ອງໄດ້ຮໍ່າຮຽນເຊື່ອມຊຶມແນວທາງແຜນນະໂຍບາຍ ມະຕິ, ຄໍາສັ່ງ ກົດລະບຽບພັກ, ກົດໜາຍ ແລະ ລະບຽບການຕ່າງໆຂອງລັດ ຢ່າງທົ່ວເຖິງ ແລະ ຄົບຖ້ວນ, ໜ່ວຍພັກຕ້ອງກໍາແໜ້ນພາວະຄວາມເປັນຈິງຂອງຮາກຖານ ເພື່ອຫັນແນວທາງແຜນນະໂຍບາຍຂອງພັກ ແລະ ມະຕິຂອງພັກ ຄະນະພັກຂັ້ນເທິງ ເປັນແຜນການຂອງໜ່ວຍພັກ ໃຫ້ສອດຄ່ອງກັບຄວາມຮັບຜິດຊອບ ແລະ ໜ້າທີ່ການເມືອງຂອງການຊີ້ນໍາ-ນາພາການຈັດຕັ້ງປະຕິບັດຕົວຈິງໃຫ້ມີຜົນສໍາເລັດ ແລະ ມີປະສິດທິຜົນສູງ.

Editor: ນັກຂ່າວເມືອງໂພນໄຊ