ກອງປະຊຸມໃຫຍ່ຄັ້ງທີ IV ຂອງໜ່ວຍຊາວໜຸ່ມ ປກສ ເມືອງ ໄຊບົວທອງ ແຂວງຄໍາມ່ວນ ໄດ້ຈັດຂຶ້ນໃນອາທິດຜ່ານມານີ້ ຢູ່ທີ່ສະໂມສອນກອງບັນຊາການ ປກສ ເມືອງ ໂດຍການເປັນປະທານຂອງ ສະຫາຍ ຮ້ອຍເອກ ໂຕ້ນ ຈັນສຸລິຍະວົງ ເລຂາໜ່ວຍຊາວໜຸ່ມ ປກສ ເມືອງ, ໂດຍການໃຫ້ກຽດເຂົ້າຮ່ວມຂອງ ທ່ານ ພັນໂທ ສົງການ ເພັງພະຈັນ ຮອງເລຂາໜ່ວຍພັກ, ຮອງກອງບັນຊາການ ປກສ ເມືອງ ທັງເປັນຜູ້ຊີ້ນໍາວຽກງານອົງການຈັດຕັ້ງມະຫາຊົນ ກອງບັນຊາການ ປກສ ເມືອງໄຊບົວທອງ, ທ່ານ ບຸນແສງ ໄຊຍະວົງ ປະທານກວດກາຄະນະບໍລິຫານງານຊາວໜຸ່ມເມືອງ, ມີບັນດາເລຂາໜ່ວຍຊາວໜຸ່ມ ອອ້ມຂ້າງເມືອງ, ສະມາຊິກຊາວໜຸ່ມພາຍໃນໜ່ວຍກອງບັນຊາການ ປກສ ເມືອງ ແລະ ແຂກຖືກເຊີນເຂົ້າຮ່ວມ.
ກອງປະຊຸມຜູ້ເຂົ້າຮ່ວມໄດ້ຮັບຟັງການຜ່ານຮ່າງບົດລາຍງານການເມືອງ ແລະ ຕີລາຄາການ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ lV ຂອງຄະນະບໍລິຫານງານຊາວໜຸ່ມເມືອງ ແລະ ມະຕິກອງປະຊຸມໃຫຍ່ຄັ້ງທີ III ຂອງໜ່ວຍຊາວໜຸ່ມ ປກສ ແລະ ບົດສຳຫຼວດການຊີ້ນຳ-ນຳພາຂອງຄະນະໜ່ວຍຊາວໜຸ່ມ ໃນຜ່ານມາແຕ່ປີ 2014-2018 ເຊິ່ງພາຍໃນໜ່ວຍຊາວໜຸ່ມ ປກສ ມີຄະນະໜ່ວຍຊາວໜຸ່ມ 3 ສະຫາຍ ແລະ ມີສະມາຊິກ 52 ສະຫາຍ, ຍິງ 5 ສະຫາຍ, ເຊິ່ງເປັນຜູ້ນໍາພາຈັດຕັ້ງປະຕິບັດຕາມທິດຊີ້ນໍາຂອງພັກ ກໍ່ຄືລະບຽບກົດໝາຍຕ່າງໆວາງອອກ ໃນການເຄື່ອນໄຫວວຽກງານຮອບດ້ານ ເຊິ່ງໃນໄລຍະ 5 ປີຜ່ານມາ ແມ່ນໄດ້ເອົາໃຈໃສ່ ສຶກສາການເມືອງ-ແນວຄິດ ໃຫ້ສະມາຊິກພາຍໃນໜ່ວຍຊາວໜຸ່ມໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ແນວທາງນະໂຍບາຍຂອງພັກ ລະບຽບກົດໝາຍຂອງລັດ ກໍ່ຄືລະບຽບຂອງຊາວໜຸ່ມປະຊາຊົນ ປະຕິວັດລາວ ວາງອອກ ເອົາໃຈໃສ່ຊີ້ນຳ-ນຳພາບັນດາສະມາຊິກຊາວໜຸ່ມພາຍໃນໜວ່ຍເຂົ້າຮັບຟັງ ປາຖະກະຖາເຫຼົ່າມູນເຊື້ອວັນສຳຄັນຕ່າງໆຂອງຊາດ-ຂອງພັກ ນຳເອົາມະຕິ, ຄໍາສັ່ງຕ່າງໆເຜີຍແຜ່ໃຫ້ບັນດາສະມາຊິກໄດ້ເຊື່ອມຊຶມຢ່າງເປັນປົກກະຕິ ເຫັນໄດ້ສະມາຊິກໄດ້ເອົາໃຈໃສ່ປັບປຸງກໍ່ສ້າງເຊິ່ງກັນ ແລະ ກັນ ເຮັດໃຫ້ສະມາຊິກພາຍໃນໝວ່ຍມີຄວາມປອດໃສໜັກແໜ້ນໃນທຸກໆດ້ານ ມີຄຸນສົມບັດ ສິນທຳປະຕິວັດ ມີນໍ້າໃຈຮັກຊາດ ຮັກລະບອບ ປະຊາທິປະໄຕ ເສີມຂະຫຍາຍມູນເຊື້ອຂະຫຍັນໜັ້ນພຽນ ມີຄວາມສະມາຄີ ເປັນເຈົ້າການຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆທີ່ເກີດຂຶ້ນ ມີສະຕິຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ ແລະ ກຸ່ມຄົນບໍ່ດີ ແລະ ພ້ອມນີ້ກໍ່ໄດ້ເອົາໃຈໃສ່ຜັນຂະຫຍາຍເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມປະຊາຊົນ ປະຕິວັດລາວວາງອອກ ໄດ້ຢ່າງເປັນຂະບວນຟົດຟື້ນ.
Editor: ນັກຂ່າວເມືອງໄຊບົວທອງ
