ເພື່ອເຮັດໃຫ້ການກະກຽມ ແລະ ດຳເນີນກອງປະຊຸມໃຫຍ່ ຂອງຄະນະຊາວໜຸ່ມປະຊາຊົນ ປະຕິວັດລາວ ຂອງຄະນະຊາວໜຸ່ມພະແນກສາທາລະນະສຸກ ແຂວງສະຫວັນນະເຂດ ແລະ ຕິດພັນກັບການປັບປຸງຄະນະຊາວ ໜຸ່ມປະຊາຊົນ ປະຕິວັດລາວ ໃຫ້ມີຄວາມເຂັ້ມແຂງມີຂະບວນການຢ່າງຕໍ່ເນື່ອງ ກໍ່ຄືການກະກຽມໃຫ້ແກ່ກອງປະຊຸມໃຫຍ່ທີ່ຈະມາເຖິງນີ້. ດັ່ງນັ້ນ ໃນທ້າຍອາທິດຜ່ານມານີ້ ຄະນະບໍລິຫານງານຊາວໜຸ່ມພະແນກສາທາລະນະສຸກແຂວງ ໄດ້ເປີດບັ້ນດຳເນີນຊິວິດການເມືອງໃຫ້ແກ່ຄະນະຊາວໜຸ່ມພະແນກສາທາລະນະສຸກແຂວງສະຫວັນນະເຂດ ໂດຍເຂົ້າຮ່ວມຂອງສະຫາຍ ລຳແກ້ວ ແສງໜູທອງ ເລຂາຄະນະບໍລິຫານງານຊາວໜຸ່ມແຂວງ, ສະຫາຍ ດຣ ຕຽງຄໍາ ປ້ອງວົງສາ ຄະນະພັກຮາກຖານພະແນກສາທາລະນະສຸກແຂວງ, ຮອງພະແນກສາທາລະນະສຸກແຂວງ, ແຂກຖືກເຊີນ ແລະ ບັນດາຄູ-ອາຈານມາຈາກໜ່ວຍຊາວໜຸ່ມວິທະຍາໄລ ສາທາລະນະສຸກແຂວງ ພ້ອມດ້ວຍຄະນະຊາວໜຸ່ມ ແລະ ສະມາຊິກຊາວໜຸ່ມເຂົ້າຮ່ວມ.
ໃນພີທີສະຫາຍ ທອງດຳ ສີສະຫວັດ ກຳມະການຊາວໜຸ່ມແຂວງ, ເລຂາຄະນະບໍລິຫານງານຊາວໜຸ່ມພະແນກສາທາລະນະສຸກແຂວງ ໄດ້ຜ່ານບົດສຳຫຼວດການຊີ້ນຳ-ນໍາພາຂອງຄະນະບໍລິຫານງານຊາວໜຸ່ມພະແນກສາທາລະນະສຸກແຂວງສະຫວັນນະເຂດ ໃນໄລຍະ 5 ປີຜ່ານມາ ເຊິ່ງມີດ້ານດີດ້ານອ່ອນຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ເປັນຕົ້ນ ວຽກງານສຶກສາອົບຮົມທາງດ້ານການເມືອງແນວຄິດໃຫ້ແກ່ຊາວໜຸ່ມພະແນກສາທາລະນະສຸກແຂວງ ວຽກງານປັບປຸງກໍ່ສ້າງຂະຫຍາຍການຈັດຕັ້ງໃຫ້ແກ່ຊາວໜຸ່ມ ວຽກງານປົກປ້ອງ ແລະ ແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນຊາວໜຸ່ມພະແນກສາທາລະນະສຸກແຂວງສະຫວັນນະເຂດ ວຽກງານຂະບວນການຂອງຊາວໜຸ່ມພະແນກສາທາລະນະສຸກແຂວງຜ່ານມາ.
ໃນຕອນທ້າຍພິທີກໍ່ໄດ້ພ້ອມກັນປ່ອນບັດຄັດເລືອກເອົາຄະນະຊາວໜຸ່ມ ເພື່ອເຂົ້າໃນອົງປະກອບເຂົ້າໃນກອງປະຊຸມໃຫຍ່ທີ່ຈະມາເຖິງໃນໝໍ່ໆນີ້.

Editor: ນັກຂ່າວຊາວໜຸ່ມນະຄອນໄກສອນ