ໃນເຊົ້າວັນທີ 24 ມີຖຸນາ 2017 ນີ້ ຢູ່ທີ່ສະຫນາມ ກອຟ ແມ່ຂອງຣິສອດ, ບ້ານຈຳປາ-ຫນອງແຕ່ງ, ເມືອງສີໂຄດຕະບອງ, ນະຄອນຫລວງວຽງຈັນ ສະມາຄົມຜູ້ອາຍຸສູງ ນະຄອນຫລວງວຽງຈັນ ໄດ້ຈັດກິດຈະກຳການແຂ່ງຂັນກອຟ ການກຸສົນສົມທົບທຶນເຂົ້າສະມາຄົມຜູ້ອາຍຸສູງ ຂື້ນ. ຈຸດປະສົງຫລັກໆ ເພື່ອເປັນການຂຳນັບຮັບຕອນວັນສຳຄັນຂອງຊາດ ໃນຫລາຍໆວັນ ເຊັ່ນ: ຄຳນັບຊົມເຊີຍ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 62 ປີ. ລະນຶກວັນແຫກຄຸກໂພນເຄັງ ມະຫັດສະຈັນ ຄົບບຮອບ 57 ປີ ແລະ ຄົບຮອບ 6 ປີ ວັນສ້າງຕັ້ງສະມາຄົມຜູ້ອາຍຸສູງ ນະຄອນຫລວງວຽງຈັນ. ການແຂ່ງຄັ້ງນີ້ ແມ່ນເປັນກິດຈະກຳທີ່ສຳຄັນ ສຳລັບສະມາຄົມຜູ້ອາຍຸສູງ ເຊີ່ງໃນແຕ່ລະປີແມ່ນໄດ້ຈັດຂື້ນ 1 ຄັ້ງ ເພື່ອເປັນການສົມທົບທຶນເຂົ້າສະມາຄົມໃນການນຳມາບໍລິຫານຈັດການແກ່ສະມາຊິກຜູ້ສູງອາຍຸ, ການນຳໃຊ້ເຂົ້າເຮັດກິດຈະກຳ ເພື່ອສັງຄົມຕ່າງໆ. ແລະ ການແຂ່ງຂັນ ຄັ້ງນີ້ ເຂົ້າຮ່ວມມີທັງພາກລັດ ແລະ ພາກທຸລະກິດ ເປັນຈຳນວນຫລວງຫລາຍ ເນື່ອງຈາກເຫັນໄດ້ເຖິງຄວາມສຳຄັນແກ່ສະມາຄົມ ແລະ ຜູ້ອາຍຸສູງ ນັບມື້ນັບເພີ່ມຂື້ນ.

ສຳລັບລາຍລະອຽດທັງໝົດ ຂອງການແຂ່ງຂັນ ກອຟ ຄັ້ງນີ້ ທາງລາຍການ ມີສຽງສຳພາດ ພິເສດ ຈາກ ປະທານສະມາຄົມຜູ້ອາຍຸສູງ ນະຄອນຫລວງວຽງຈັນ ແລະ ຜູ້ໃຫ້ການສະຫນັບສະຫນູນຂັນລາງວັນ. (ຟັງສຽງ)
ນັ້ນແມ່ນສຽງສຳພາດ ຂອງ ທ່ານ ສົມພົງ ມົງຄົນວິໄລ ປະທານສະມາຄົມຜູ້ອາຍຸສູງ ນະຄອນຫລວງວຽງຈັນ ແລະ ທ່ານ ພູວົງ ພະມີສິດ ສະມາຊິກສະມາຄົມຜູ້ອາຍຸສູງ.

Editor: ກຳປານາດ ລັດຖະເຮົ້າ