ລັດຖະບານ ໄດ້ເອົາໃຈໃສ່ພັດທະນາ ແລະ ຊຸກຍູ້ສົ່ງເສີມ ຢ່າງເປັນຮູບປະທຳ ສຳເລັດຜົນຕະຫລອດມາ. ການເປີດປີທ່ອງທ່ຽວລາວ ເປັນການເປີດກ້ວາງການພັດທະນາຮອບດ້ານ ແລະ ການເຊື່ອມໂຍງ ຂອງທຸກຂະແໜງ
ການ ໃນທົ່ວປະເທດ ເພື່ອຍົກສູງກຳລັງແຮງສັງລວມຂອງຊາດ, ຮ່ວມມືກັບພາກພື້ນ ແລະ ສາກົນ. ເຊີນຊວນມວນຊົນ ທັງພາຍໃນ ແລະ ຕ່າງປະເທດ ເຂົ້າມາທ່ຽວຊົມທຳມະຊາດ, ປະຫວັດສາດ ແລະ ວັດທະນະທຳອັນດີງາມ ຂອງຊາດລາວ ພ້ອມທັງເຊີນຊວນ ໃຫ້ປະຊາຊົນລາວບັນດາເຜົ່າ ເຂົ້າຮ່ວມການຜະລິດ, ການສະໜອງ ແລະ ການບໍລິການດ້ານຕ່າງໆ ດ້ວຍຮອຍຍີ້ມ, ດ້ວຍສຽງຫົວ, ຮ່ວມໃຈກັນເປັນເຈົ້າພາບທີ່ດີ ປະກອບສ່ວນເຂົ້າໃນ ວຽກງານປ້ອງກັນຄວາມສະຫງົບ ເພື່ອເຮັດໃຫ້ນັກທ່ອງທ່ຽວ ທີ່ເຂົ້າມາ ສປປ ລາວ ມີຄວາມສຸກ, ປອດໄພ ແລະ ອື່ນໆ.
ຂະນະທີຜູ້ປະກອບການທຸລະກິດເຟີນິເຈີ ທ່ານ ກອງມາລາ ພົມມາໄລ, ເຈົ້າຂອງໂຮງງານ ເຄແອນບີ ເຟີນິເຈີ ໄດ້ໃຫ້ທັດສະນະ ແລະ ຄວາມຮູ້ສຶກ ຕໍ່ກັບປີທ່ອງທ່ຽວລາວ 2018 ວ່າ: ສປປ ລາວ ຖືວ່າເປັນປະເທດທີ່ໂຊກດີ ທີ່ມີແຫລງທ່ອງທ່ຽວທາງດ້ານທຳມະຊາດທີ່ບໍລິສຸດ, ແຫລງທ່ອງທຽ່ວປະຫວັດສາດທີ່ຫນ້າສຶກສາຫລາຍແຫ່ງ ລວມໄປເຖິງວິຖີການດຳລົງຊີວິດຂອງປະຊາຊົນລາວບັນດາເຜົ່າ ທີ່ມີເຄົາລົບທຳນຽບ ຮີດຄອງປະເພນີອັນດີງາມ ແລະ ຫລາກຫລາຍ. ເຫລົ່ານີ້ເອງ ຈະເປັນມົນສະເຫນ່ ແລະ ແຮງດຶງດູດທີ່ສຳຄັນ ທີ່ຈະນຳພານັກທ່ອງທ່ຽວເດີ່ນທາງເຂົ້າມາທ່ຽວ ສປປ ລາວ ແລະ ຮູ້ຈັກລາວຫລາຍຂື້ນ ອັນຈະນຳລາຍຮັບອັນມະຫາສານກະຈາຍສູ່ທ້ອງຖິ່ນ ໃນການໃຫ້ບໍລິການໃນດ້ານຕ່າງໆ ບໍ່ວ່າຈະເປັນ: ໂຮງແຮມ, ເຮືອນພັກ, ຮ້ານອາຫານ, ການຂົນສົ່ງ, ການຂາຍຂອງທີ່ລະນຶກ ແລະ ການບໍລິການອື່ນໆເປັນຕົ້ນ.
ແຕ່ຢ່າງໃດກໍ່ຕາມ ເພື່ອໃຫ້ນັກທ່ອງທ່ຽວມີຄວາມປະທັບໃຈນັ້ນ ດ້ານຜູ້ໃຫ້ບໍລິການໃນຂະແຫນງການຕ່າງໆນັ້ນ ກໍ່ຕ້ອງໄດ້ມີການປັບປຸງຍົກລະດັບການບໍລິການຂອງຕົນເອງ ບໍລິການໃຫ້ດີຂື້ນເປັນມາດຕະຖານ ສາມາດດຶງດູດກຳລັງການຈັບຈ່າຍໃຊ້ສອຍຂອງນັກທ່ອງທ່ຽວໃຫ້ຫລາຍທີ່ສຸດ. ຊຶ່ງຕາມທີ່ລັດຖະບານໄດ້ວາງຄາດໝາຍ ສູ້ຊົນດຶງດູດນັກທ່ອງທ່ຽວ ໃຫ້ໄດ້ບໍ່ໃຫ້ຫລຸດ 5 ລ້ານເທື່ອຄົນ, ຄາດຄະເນລາຍຮັບໃຫ້ໄດ້ ປະມານ 900 ລ້ານໂດລາສະຫະລັດ.
ມີສຽງສຳພາດທ່ານ ກອງມາລາ ພົມມາໄລ, ເຈົ້າຂອງໂຮງງານ ເຄແອນບີ ເຟີນິເຈີ ມາໃຫ້ຟັງທັດສະນະ ແລະ ຄວາມຮູ້ສຶກ ຕໍ່ປີທ່ອງທ່ຽວລາວ
ປ່ອຍສຽງສໍາພາດ
Editor: ຕະວັນ ແສງສະຫວັນ
