ປະຈຸບັນ ແມ່ນເປັນໄລຍະກ້າວເຂົ້າສູ່ຍາມຫນາວ ແລະ ເປັນໄລຍະທີ່ທາງພາກເຫນືອ ຫນ້າທ່ອງທ່ຽວທີ່ສຸດ. ທາງລາຍການ ຂໍນໍາສະເຫນີ ອີກຫນຶ່ງສະຖານທີ່ຫນ້າສົນໃຈ ແລະ ເປັນທີ່ຮູ້ຈັກກັນຫລາຍຄົນ ນັ້ນກໍ່ຄື ພູຄູນສະຕໍເບີຣີ
ພູຕູນສະຕໍເບີຣີ ໃນປະຈຸບັນ ເຫັນວ່າມີນັກທ່ອງທ່ຽວ ຈັບຈອງ ນັບມື້ນັບຫລາຍຂື້ນ ເພາະເດີນທາງມາສໍາຜັດກັບອາກາດຫນາວ ແລະ ຊົມຄວາມງາມຂອງທະເລຫມອກ, ພ້ອມທັງຢ້ຽມຊົມສວນສະຕໍເບີຣີ ທີ່ພວມກໍາລັງກຽມອອກຫມາກ. ກິດຈະກໍາການທ່ອງທ່ຽວຫລັກໆ ໃນສະຖານທີ່ແຫ່ງນີ້ ຄືການກາງເຕັນນອນ ເພື່ອຊົມທິວທັດທໍາມະຊາດ ເທີງພູສູງ ສູບກິ່ນອາຍຂອງທໍາມະຊາດ, ຄວາມສົດຊື້ນຂອງອາກາດ ທ່າມກາງພູຜາອັນແສນສວຍງາມ. ສ່ວນໃນຕອນຄໍ່າຄືນ ນອນຊົມແສງເດືອນ, ແສງດາວ ແລະ ໄຮໄລຂອງງານ ຄືການຊົມຄວາມງາມຂອງທະເລຫມອກໃນຍາມເຊົ້າ ແລະ ຕາເວັນຂື້ນ ອາລຸນວັນໃຫມ່.
Editor: ກຳປານາດ ລັດຖະເຮົ້າ
