ແຂວງຊຽງຂວາງ ເປັນແຂວງທີ່ຂື້ນຊື່ເລື່ອງສະຖານທີທ່ອງທ່ຽວທີ່ຫລາກຫລາຍ ບໍ່ວ່າຈະເປັນ: ແຫລງທ່ອງທ່ຽວປະຫວັດສາດ, ທຳມະຊາດ, ວັດທະນະທຳ-ຮີດຄອງປະເພນີຕ່າງໆ ແລະ ຖ້າຈະເວົ້າເຖິງ ຕາດຄາ ທີ່ຕັ້ງຢູ່ບໍລິເວນບ້ານຄັງພະນຽນ, ເມືອງຫນອງແຮດ, ແຂວງຊຽງຂວາງ ເຊິ່ງຢູ່ຫ່າງຈາກເທດສະບານຕົວເມືອງໂພນສະຫວັນ ໄປຫາ ເມືອງຫນອງແຮດ ປະມານ 100 ກວ່າກິໂລແມັດ ແລະ ຈາກທາງເລກ 7 ເຂົ້າໄປຫາອີກ 5 ກິໂລແມັດ ກໍ່ຈະເຖິງຕາດຄາ ທີ່ເປັນແຫລງທ່ອງທ່ຽວທາງທໍາມະຊາດ ເປັນຜູ້ເສກສັນປັ້ນແຕ່ງ ຊຶ່ງອອ້ມຮອບໄປດ້ວຍລະບົບນິເວດທີ່ຍັງຄົງເປັນທຳມະຊາດ ເຫມາະແກ່ການພັກຜ່ອນ.
ຕາດຄາ ຈະມີນ້ຳໃສໄຫລເຢັນຕະຫລອດປີ ບໍ່ມີຍາມບົກແຫ້ງ ໄຫລລົງມາເປັນຊັ້ນໆຫລຸດລັ່ນກັນລົງມາ ຊຶ່ງມີຄວາມສູງ ປະມານ 40 ຫາ 50 ແມັດ ຊຶ່ງແຕ່ລະຊັ້ນລ້ວນແລ້ວແຕ່ມີຄວາມສວຍງາມ ແລະ ນັກທ່ອງທ່ຽວສາມາດຢ່າງຊົມແຕ່ລະຊັ້ນຂອງຕາດຄາໄດ້.
Editor: ຕະວັນ ແສງສະຫວັນ
