ຕາມການເປີດເຜີຍຕໍ່ຜູ້ສື່ຂ່າວລາຍການເມືອງລາວວັນນີ້ ຂອງທ່ານ ຄຳໄພ ສົມຊະນະ, ເຈົ້າຂອງແຫຼ່ງທ່ອງທ່ຽວຕາດຊອນ ແດນຫົງ ພູສູງ ສວນພຶກສາສາດ ອຸທະຍານຊຸມຊົນສະມາຄົມອາຊຽນ ເນື່ອງໃນໂອກາດຄະນະຜູ້ແທນເຟີນີເຈີອາຊຽນຢ້ຽມຢາມ ໃຫ້ຮູ້ວ່າ: ຕາດຊອນ ກໍ່ເປັນສະຖານທີ່ທ່ອງທ່ຽວແຫ່ງໜື່ງ ທີ່ຕັ້ງຢູ່ນະຄອນຫຼວງວຽງຈັນ ທີ່ມີຮ່ອງຮອຍປະຫວັດສາດ ທີ່ໄດ້ຮັບຄວາມນິຍົມມາເປັນເວລາດົນນານ ນັບແຕ່ເປີດບໍລິການ ຖືວ່ານັກທ່ອງທ່ຽວພາຍໃນ ແລະ ຕ່າງປະເທດ ໃຫ້ຄວາມສົນໃຈເປັນຈຳນວນຫຼາຍ ແລະ ເພື່ອເປັນການເປີດ ແຫຼ່ງທ່ອງທ່ຽວໃຫ້ກວ້າງ ແລະ ເປັນທີ່ຮູ້ຈັກຫຼາຍຂຶ້ນ ເພື່ອເປັນການຮອງຮັບປີທ່ອງທ່ຽວລາວປີ 2018 ນີ້ ທາງແຫ່ລງທ່ອງທ່ຽວຕາດຊອນ ແດນຫົງ ພູສູງ ສວນພຶກສາສາດ ອຸທະຍານຊຸມຊົນສະມາຄົມອາຊຽນ ປະຈຸບັນ ໄດ້ມີການປັບປຸງເສີມກິດຈະກຳເຂົ້າມາໃຫ້ຄົບວົງຈອນ ທັງນີ້ ກໍ່ເພື່ອເປັນການຮອງຮັບ ແລະ ດຶງນັກທ່ອງທ່ຽວມາທ່ຽວຊົມ ມີຄວາມປະທັບໃຈ ຢາກກັບມາທ່ຽວອີກ.
ແຫຼ່ງທ່ອງທຽວຕາດຊອນ ແດນຫົງ ພູສູງ ສວນພຶກສາສາດ ອຸທະຍານ ຊຸມຊົນສະມາຄົມອາຊຽນ ແມ່ນໜຶ່ງສະຖານທີ່ທ່ອງທ່ຽວທາງທຳມະຊາດ ທີ່ມີລະບົບນິເວດ ຍັງຄົງຄວາມອຸດົມສົມບູນ ທີ່ຫຼາຍຄົນໄປສຳພັດແລ້ວຫຼົງໄຫຼ ມີຄວາມຮູ້ສຶກສົດຊື່ນຕາມຮົ່ມໄມ້ ຫາຍໃຈເອົາອາດກາດທີ່ສົດຊື່ນ ແລະ ຮົ່ມເຢັນ ປະຈຸບັນ ແຫຼ່ງທ່ອງທ່ຽວດັ່ງກ່າວ ກະກຽມມີການປັບປຸງເສີມກິດຈະກຳໃຫ້ຫຼາຍຂຶ້້ນ ໃຫ້ຄົບວົງຈອນ ເພື່ອດຶງດູດນັກທ່ອງທ່ຽວເຂົ້າມາປະທັບໃຈຮູ້ສຶກຄິດຍາກກັບມາທ່ຽວອີກ.
ຕາດຊອນ ແດນຫົງ ພູສູງ ສວນພຶກສາສາດ ອຸທະຍານ ຊຸມຊົນສະມາຄົມອາຊຽນ ແມ່ນຈະມີບໍລິການນັ່ງຕູບ,ຍ່າງປ່າ, ຂີ່ຊ້າງ ແລະ ຕໍ່ໜ້າປັບປຸງແລ້ວ ຈະມີບໍລິການຂີ່ສະລິງແຕ່ເດັກນ້ອຍຮອດຜູ້ໃຫຍ່, ຂົວອູ່, ເຮືອນຢູ່ເຖິງຕົ້ນໄມ້ ແລະອື່ນໆ.
ແຫຼ່ງທ່ອງທ່ຽວນີ້ ຕັ້ງຢູ່ບ້ານນາຍາງ, ເມືອງນາຊາຍທອງ, ໄປຕາມເສັ້ນທາງ ເລກທີ 13 ເໜືອ ເມື່ອເຖິງບ້ານນາຊອນ ລ້ຽວຊ້າຍເຂົ້າໄປປະມານ 30 ນາທີ.
ມີສຽງສຳພາດທ່ານ ຄຳໄພ ສົມຊະນະ, ເຈົ້າຂອງແຫຼ່ງທ່ອງທ່ຽວຕາດຊອນ ແດນຫົງ ພູສູງ ສວນພຶກສາສາດ ອຸທະຍານຊຸມຊົນສະມາຄົມອາຊຽນ ມາໃຫ້ຮັບຟັງ
ປ່ອຍສຽງສໍາພາດ
Editor: ຕະວັນ ແສງສະຫວັນ
