ເພື່ອເປັນການຮູ້ບຸນຄຸນ ແລະ ການມີສ່ວນຮ່ວມໃນການໂຄສະນາເຜີຍແຜ່ ກ່ຽວກັບວຽກງານການທ່ອງທ່ຽວຂອງລາວ ໃນຂະແຫນງສື່ມວນຊົນ, ພ້ອມທັງ ເປັນການຂອບໃຈ ແກ່ບັນດາສື່ມວນຊົນລາວ ໃນ ທຸກຂະແຫນງການ ບໍ່ວ່າຈະເປັນວິທະຍຸ, ໂທລະພາບ, ສື່ສິ່ງພີມ ແລະ ວາລະສານ ດັ່ງນັ້ນໃນບ່າຍວັນທີ 25 ທັນວາ 2017 ນີ້ ທີ່ສໍານັກງານທ່ອງທ່ຽວ ກະຊວງ ຖວທ ກົມພັດທະນາການທ່ອງທ່ຽວ ໄດ້ຈັດພິທີມອບຂອງຂວັນ ໃຫ້ກັບສື່ມວນຊົນ ຂື້ນ ໂດຍແມ່ນທ່ານ ທະວີເພັດ ອຸລາ ຮອງຫົວຫນ້າກົມພັດທະນາການທ່ອງທ່ຽວ ເປັນຜູ້ມອບ ໃຫ້ແກ່ບັນດາສື່ ຈາກທຸກພາກສ່ວນ ແລະ ນອກນີ້ ຍັງມີຜູ້ຕາງຫນ້າ ຈາກບໍລິສັດທ່ອງທ່ຽວ ເຂົ້າຮ່ວມຢ່າງພ້ອມພຽງ, ຂອງຂວັນ ທີ່ມອບໃຫ້ແກ່ສື່ມວນຊົນ ຄັ້ງນີ້ ປະກອບມີ ຂອງທີ່ລະນຶກ, ປະຕິທິນ, ປື່ມບັນທຶກ, ຄັນຮົ່ມ ແລະ ອື່ນໆ ທີ່ເປັນການໂຄສະນາສະຖານທີ່ທ່ອງທ່ຽວ ແລະ ປີທ່ອງທ່ຽວລາວ 2018
ທ່ານ ທະວີເພັດ ອຸລາ ຮອງກົມພັດທະນາການທ່ອງທ່ຽວ ກ່າວວ່າ: ປີ 2018 ແມ່ນເປັນປີທ່ອງທ່ຽວລາວ ສະນັ້ນການຖຄສະນາປະຊາສໍາພັນ ແມ່ນເປັນອີກວຽກງານຫນຶ່ງທີ່ສໍາຄັນ ສື່ມວນຊົນ ແມ່ນເປັນກໍາລັງແຮງອັນສໍາຄັນ ໃນການຖຄສະນາ ເຊີນຊວນນັກທ່ອງທ່ຽວ ໃຫ້ເຂົ້າມາຢ້ຽມຢາມ ປະເທດລາວ ໃຫ້ຫລາຍ, ເຊີ່ງປະຈຸບັນ ສື່ມວນຊົນແມ່ນມີຫລາຍຂະແຫນງ ທັງສື່ສິ່ງພີມ, ວິທະຍຸ ໂທລພາບ, ວາລະສານ, ສື່ອອນລາຍ ແລະ ເວບໄຊ ຕ່າງໆ ລ້ວນແຕ່ມີການຕື່ນຕົວ ໃນການໂຄສະນາປີທ່ອງທ່ຽວລາວ ຢ່າງເຕັມທີ່.
Editor: ກຳປານາດ ລັດຖະເຮົ້າ
