ພິທີເປີດແຫຼ່ງທ່ອງທຽ່ວທຳມະຊາດ ຫາດຊາຍຂ່າວບ້ານໂດນ ເມືອງປາກຊັນ ໂດຍຕິດພັນກັບປີທ່ອງທຽ່ວລາວ 2018 ໄດ້ຈັດຂຶ້ນໃນທິດຜ່ານມານີ້ ສະຖານທີ່ດັ່ງກ່າວ ໂດຍໃຫ້ກຽດເຂົ້າຮ່ວມໃນພິທີມີ ທ່ານ ສົມພອນ ຄຳປານິສົງ ຮອງເຈົ້າເມືອງປາກຊັນ, ທ່ານນາງ ຄໍາຍອງ ຈອມມະນິວົງ ຮອງຫົວໜ້າພະແນກ ຖວ ທ ແຂວງບໍລິຄຳໄຊ ຜູ້ຊີ້ນໍາວຽກງານທ່ອງທຽ່ວ ມີບັນດາແຂກຖືກເຊີນ ຈາກພະແນກການຂະແໜງການ ພາຍໃນແຂວງ ພາຍໃນເມືອງ ແລະ ປະຊາຊົນບ້ານອ້ອມຂ້າງເຂົ້າຮ່ວມ/
ການເປີດແຫຼ່ງທ່ອງທຽ່ວທຳມະຊາດ ຫາດຊາຍຂ່າວບ້ານໂດນ ນີ້ກໍ່ແມ່ນກິດຈະກຳໜຶ່ງຂອງເມືອງປາກຊັນ ທີ່ຕິດພັນກັບການເປີດປີທ່ອງທຽ່ວລາວ 2018 ສະຖານທີດັ່ງກ່າວຕັ້ງຢູ່ບ້ານໂດນແຄມນໍ້າຂອງ ຫ່າງຈາກເສັ້ນທາງເລກທີ 13 ໃຕ້ ເຂົ້າໄປປະມານ 2 ກິໂລແມັດ, ພາຍໃນງານປະກອບມີກິດຈະກໍາຫຼາຍຢ່າງເປັນຕົ້ນ ຊົມການແຂ່ງຂັນຊວງເຮືອ 10 ສີພາຍ, ກິລາບານສົ່ງຊາຍຫາດ ແລະ ກິລາດຶງເຊືອກ ທັງນີ້ກໍ່ເພື່ອເປັນການອານຸລັກ ແລະ ສົ່ງເສີມຮີດຄອງປະເພນີວັດທະນະທຳອັນດີງາມ ຂອງຊາດຂອງເຜົ່າໃຫ້ຢູ່ຄູ່ກັບຄົນລາວຕະຫຼອດໄປ. ນອກນີ້,ກໍ່ຍັງເປັນການໂຄສະນາ ເຜີຍແຜ່ແຫຼ່ງທອ່ງທຽ່ວທາງດ້ານທຳມະຊາດ ໃຫ້ແຂກຕ່າງປະເທດໃດ້ຮັບຮູ້ຢ່າງທົ່ວເຖິງ ທັງນີ້ເພື່ອເຮັດໃຫ້ງານເປີດປີທ່ອງທຽ່ວດັ່ງກ່າວ ເປັນການປຸກລະດົມທົ່ວສັງຄົມ ປະກອບສ່ວນຢ່າງຕັ້ງໜ້າເຂົ້າສູ່ໃນວຽກງານທ່ອງທຽ່ວ ທັງເປັນການກະຕຸກຊຸກຍູ້ເສດຖະກິດຂອງແຂວງເມືອງ ໃຫ້ມີບາດກ່າວຂະຫຍາຍຕົວ ໂດຍເລັ່ງໃສ່ໃນວັນບຸນປະເພນີຂອງເຜົ່າ ແລະ ຮີດສີບສອງຄອງສິບສີ່ ທີ່ຄົນລາວເຄືຍປະຕິບັດກັນມາແຕ່ບູຮານນະການ ແນໃສ່ໃຫ້ການທ່ອງທຽ່ວນັບມື້ນັບພັດທະນາດີຂື້ນເປັນກ້າວ.
Editor: ກຳປານາດ ລັດຖະເຮົ້າ
