ການສະເຫລີມສະຫລອງ ປີທ່ອງທ່ຽວລາວ 2018 ນີ້ ເມືອງຄົງເຊໂດນ ແຂວງສາລະວັນ ໄດ້ກຳນົດເປັນ 2 ໄລຍະຄື: ເທດສະການນະນັດສະການພະເທບນິມິດ ຕິດພັນກັບ ການສະຫລອງປີ້ງໄກ່ນາປົ່ງ ຄົບຮອບ 100 ປີ ໃນວັນທີ 26-28 ກຸມພາ 2018
ສ່ວນໄລຍະທີ 2 ແມ່ນບຸນມະມັດສະການ ທາດກະເດົາທຶກ ໃນວັນທີ 29-31 ມີນາ 2018 ໂດຍມີ 5 ກິດຈະກຳໃຫຍ່ ຄື: ບຸນມະມັດສະການພະອົງຕື້ ຢູ່ບ້ານໂອກາດໃຫຍ່, ເທດສະການປີ້ງໄກ່ໃຫຍ່ນາປົ່ງ, ບຸນຫົດສົ່ງທາດກະເດົາທຶກ ບ້ານນາໂຄກ, ເທດສະບານບຸນບັ້ງໄຟ ແລະ ບຸນອອກພັນສາ (ບຸນຊ່ວງເຮືອເມືອງຄົງເຊໂດນ).
ພ້ອມນັ້ນ ກໍມີການຈັດງານວາງສະແດງ ຜະລິດຕະພັນໂອດ໋ອບ ແລະ ຕະຫລາດນັດ ຊື້-ຂາຍສິນ ຄ້າພາຍໃນເມືອງ, ເມືອງອ້ອມຂ້າງ, ຕ່າງແຂວງເຂົ້າຮ່ວມ ແລະ ຊົມງານສະແດງສິລະປະວັນນະຄະດີ, ປະກວດນັກຮ້ອງສຽງດີ, ຟ້ອນສິລະປະ, ປະກວດນາງສາວ ແລະ ອື່ນໆ.
Editor: ດາວໄຊ ສີວິໄລ
