ເມືອງບໍລິຄັນ ໄດ້ຈັດພິທີເປີດປີທ່ອງທ່ຽວລາວ 2018 ຕິດພັນກັບງານກີນຈຽງເຜົ່າມົ້ງ. ຂື້ນຢ່າງເປັນທາງການ ຢູ່ບ້ານຜາເມືອງ ໂດຍການເຂົ້າຮ່ວມເປັນປະທານ ຂອງ ທ່ານ ເລື່ອນວິໄລ ຈັນທະລາພັນ ກໍາມະການພັກແຂວງເລຂາພັກເມືອງ ເຈົ້າເມືອງບໍລິຄັນ ມີບັນດາການນໍາພັກ-ລັດຂັ້ນແຂວງ, ຂັ້ນເມືອງ ຕະຫຼອດຮອດມວນຊົນຊາວເມືອງບໍລິຄັນ ເຂົ້າຮ່ວມ. ຈຸດປະສົງໃນການເປີດງານມະຫາກໍາປີທ່ອງລາວ ໃນຄັ້ງນີ້ແມ່ນເພື່ອເປັນການດືງດູດນັກທ່ອງທ່ຽວພາຍໃນ ແລະ ຕ່າງໆປະເທດສົ່ງເສີມການທ່ອງທຽວພາຍໃນເມືອງບໍລິຄັນ ເພື່ອສ້າງເງື່ອນໄຂໃຫ້ການທ່ອງທ່ຽວໃຫ້ເຊື່ອມໂຍງກັບພາກພື້ນ ແລະ ສາກົນເປັນເທືອລະກ້າວ, ເມືອງບໍລິຄັນ ແມ່ນນອນຢູ່ໃນແຂວງບໍລິຄໍາໄຊ ຫ່າງຈາກເທດສະບານແຂວງ ປະມານ 26 ກິໂລແມັດ, ມີເສັ້ນທາງເລກທີ 4B ຜ່ານໄປມາໄດ້ສະດວກສະບາຍ, ພູມສັນຖານເຄີ່ງທົ່ງພຽງເຄີ່ງພູດອຍ, ທົ່ວເມືອງມີ 43 ບ້ານ, ມີ 8,633 ຄົວເຮືອນ, ມີພົນລະເມືອງ 49,943 ຄົນ, ຍີງ 23,876 ຄົນ, ມີສະຖານທີ່ ທ່ອງທ່ຽວທັງໝົດ 17 ແຫ່ງ ແລະ ໄດ້ເປີດເປັນທາງການແລ້ວ 2 ແຫ່ງ ຄື: ຕາດນໍ້າປາ ແລະ ຜາສາດຫີນ ຖໍ້ານາງຜົມຫອມ ຈາກນັ້ນທາງການນໍາແຕ່ລະຂັ້ນ ທີ່ເຂົ້າຮ່ວມງານ ຍັງໄດ້ທ່ຽວຊົມຖໍ້ານາງຜົມຫອມ ແລະ ຊົມສີນລະປະວັນນະຄະດີຂອງນ້ອງນ້ອຍນັກຮຽນ ຢ່າງເບີກບານມວນຊື່ນ
ແຫລ່ງຂ່າວ ຈາກພະແນກ ຖວທ ແຂວງບໍລິຄໍາໄຊ
Editor: ກຳປານາດ ລັດຖະເຮົ້າ
