ຫລາຍທ່ານ ໄດ້ກາຍໄປ-ກາຍມາ ທີ່ແຂວງສະຫວັນນະເຂດ ແລະ ໄດ້ເຫັນມີການຂາຍປີ້ງໄກ້ ລົດຊາດແຊບຊ້ອຍ ທີ່ເຊໂນ, ບາງທ່ານກໍ່ຊື້ມາເປັນຂອງຕ້ອນ-ຂອງຝາກ, ແຕ່ຜູ້ບໍ່ຕ່ອຍໄດ້ເດີນທາງໄປແຂວງສະຫວັນນະເຂດ ກໍ່ບໍ່ຕ້ອງເສຍໃຈ ເພາະວ່າ ທີ່ນະຄອນຫລວງວຽງຈັນ ກໍ່ມີຂາຍແລ້ວຮ້ານປີ້ງໄກ້ເຊໂນ ຕົ້ນສະບັບຈາກເຊໂນແທ້ແທ້ ທັງວັດຖຸດິບ ແລະ ສ່ວນປະກອບອື່ນໆ ແມ່ນຕົນສະບັບຈາກເຊໂນ 100 ສ່ວນຮ້ອຍ, ໂດຍຮ້ານອາຫານປີ້ງໄກ້ເຊໂນ ຂອງທ່ານ ຄໍາພັນ ຊະນະພັນ ແມ່ນໄດ້ຮັບລິຂະສິດ ພຽງຜູ້ດຽວ ໃນການນໍເອົາປີ້ງໄກ້ເຊໂນ ມາປື້ງຂາຍ ແລະ ໃຫ້ບໍລິການແກ່ພໍ່ແມ່ປະຊາຊົນ ແລະ ແຂກນັກທ່ອງທ່ຽວ ທັງຄົນລາວ ແລະ ຕ່າງປະເທດ ໄດ້ຊິມລົດຊາດ ທີ່ນະຄອນຫລວງວຽງຈັນ.
ເມື່ອບໍ່ດົນມານີ້, ທາງທີມງານລາຍການຂ່າວ ຈິ່ງໄດ້ມີໂອກາດລົງໄປຍື່ຢຽມຖາມຂາຍ ແລະ ສໍາພາດເຈົ້າຂອງຮ້ານອາຫານປີ້ງໄກ່ເຊໂນ ເຖິງຄວາມເປັນໄປເປັນມາ ຂອງຮ້ານອາຫານປີ້ງໄກ້ເຊໂນ ແລະ ການໄດ້ຮັບລິຂະສິດ ຕ່າງໆ, ເຊິ່ງ ທ່ານ ຄໍາພັນ ຊະນະພັນ ເຈົ້າຂອງຮ້ານ ໄດ້ກ່າວວ່າ: ພາຍຫລັງທີ່ໄດ້ຮັບອະນຸຍາດຈາກສະມາຄົມປີ້ງໄກ້ເຊໂນ ຢ່າງເປັນທາງການ ຈີ່ງໄດ້ນໍເອົາປີ້ງໄກ່ເຊໂນ ຂື້ນມາຂາຍທີ່ນະຄອນຫລວງວຽງຈັນ ເພື່ອໃຫ້ຊາວນະຄອນຫລວງວຽງຈັນ ໄດ້ບໍລິໂພກ ແລະ ສໍາຜັດກັບລົດຊາດທີ່ເປັນເອກະລັກ ອາຫານພື້ນບ້ານທ້ອງຖິ່ນສະຫວັນນະເຂດ ກໍ່ຄືເຊໂນ, ເຊິ່ງທຸກສິ່ງທຸກຢ່າງແມ່ນມາຈາກເຊໂນ 100 ສ່ວນຮ້ອຍ ພຽງແຕ່ມາປີ້ງຢ່າງດີເທົ່ານັ້ນ. ທ່ານ ຄໍາພັນ ຊະນະພັນ ກ່າວຕື່ມວ່າ: ພາຍຫລັງເປີດມາໄດ້ ປີກວ່າໆ ຜົນຕອບຮັບດີຫລາຍ ລຸກຄ້າໃຫ້ຄວາມສົນໃຈ ແລະ ໃຫ້ການສະຫນັບສະຫນູນ ຢ່າງຕໍ່ເນື່ອງ, ສະເພາະຮ້ານ ໃນປະຈຸບັນ ແມ່ນມີ 2 ສາຂາ ຄື: ທີ່ທາດຫລວງ ແລະ ທີ່ປໍ້ານໍ້າມັນ ນາໄຊ, ສໍາລັບການບໍລິການ ແມ່ນທັງໃນສະຖານທີ່ ແລະ ນອກສະຖານທີ່ ໄປຕາມງານຕ່າງໆ ທີ່ມີຄູວາມຕ້ອງການ, ໄປປິ້ງໃນສະຖານທີ່ໃຫ້ພ້ອມ. ແລະ ເນື່ອງໃນໂອກາດ ປີ ທ່ອງທ່ຽວລາວ 2018 ທ່ານ ຄໍາພັນ ຊະນະພັນ ຍັງໄດ້ສະແດງຄວາມຂອບອົກຊອບໃຈ ຕໍ່ລູກຄ້າ ທີ່ໄດ້ການສະຫນັບສະຫນູນມາຕະຫລອດ ພ້ອມທັງຝາກເຊີນຊວນ ພໍ່ແມ່ພີ່ນ້ອງຄົນລາວ ກໍ່ຄືຊາວນະຄອນຫລວງວຽງຈັນ ລວມທັງນັກທ່ອງທ່ຽວ ຫັນມາສະຫນັບສະຫນູນ ສົ່ງເສີມຄົນລາວ ຊີມອາຫານພື້ນບ້ານຂອງລາວ ອາຫານທີ່ເປັນມໍລະດົກຂອງທ້ອງຖີ່ນ ນັ້ນກໍ່ຄືປີ້ງໄກ້ ເຊໂນ ທີ່ມີຊື່ສຽງ ທີ່ແຂວງສະຫວັນນະເຂດ. ( ເນື້ອໃນລາຍລະອຽດ ມີສຽງສໍາພາດ ທ່ານ ຄໍາພັນ ຊະນະພັນ ເຈົ້າຂອງຮ້ານປີ້ງໄກ້ເຊໂນ ) ຟັງສຽງ.
ຮ້ານເປີດໃຫ້ບໍລິການ ນັບແຕ່ 8:30 ເຊົ້າ ຈົນເຖິງ 20:30 ແລງ ທຸກມື້ ນອກຈາກນີ້ ຍັງມີອາຫານລາວ, ອາຫານພື້ນເມືອງ ຫລາຍໆຢ່າງ ຄວບຄູ່ກັນໄປ ເຊົ່ນ: ກ້ອຍປານໍ້າຂອງ, ກ້ອຍໄກ່ວັດພູ, ຊົ້ວຫມາກຈອງ, ແກງຫນໍ່ໄມ້, ປະເພດລາບ-ກ້ອຍ ແລະ ຕໍາຫນາກຮຸ່ງ, ຕໍາຫມາກຖົ່ວ ແລະ ແຈ່ວຫນຽວ....
Editor: ກຳປານາດ ລັດຖະເຮົ້າ
