ຖ້າເວົ້າເຖິງອອນເຊັນ ຫຼາຍຄົນຄົງຈະພໍຮູ້ວ່າແມ່ນຫຍັງ, ມື້ນີ້ຈະນໍາສະເໜີເຖິງອອນເຊັນເມືອງລາວ ນັ້ນກໍ່ຄື ບໍນ້ຳອຸ່ນ (ນ້ຳຮ້ອນ) ທີ່ເມືອງກາສີ, ແຂວງວຽງຈັນ, ຫຼາຍຄົນຄົງຄິດວ່າ ຖ້າເວົ້າເຖິງບໍ່ນໍ້ານອຸ່ນ ຫລື ບໍ່ນໍ້າຮ້ອນ ແມ່ນຈະຕ້ອງຢູ່ທີ່ພາກເຫນືອ ເຊັ່ນ: ທີ່ເມືອງຮ້ຽມ, ແຂວງຫົວພັນ, ທີ່ເມືອງຄໍາ, ແຂວງຊຽງຂວາງ… ແຕ່ໃນມື້ນີ້ທິມງານຈະນໍາສະເໜີ ບໍນ້ໍາຮ້ອນ ທີ່ຢູ່ບໍ່ໄກຈາກນະຄອນຫຼວງ ພໍປານໃດ. ຫລີກລ້ຽງບໍ່ໄດ້ ນັ້ນກໍ່ແມ່ນ ບໍນ້ຳຮ້ອນກາສີ ສະຖານທີ່ດັ່ງກ່າວຕັ້ງຢູ່ບ້ານນ້ຳແກ່ນ, ເມືອງກາສີ ແຂວງວຽງຈັນ ລຽບຕາມເສັ້ນທາງເລກທີ່ 13 ເໜືອ ຫ່າງຈາກນະຄອນຫຼວງວຽງຈັນ 250 ກິໂລແມັດ.
ປະຈຸບັນ ສະຖານທີ່ດັ່ງກ່າວ ປະກອບດ້ວຍສິ່ງເອື້ອອໍານວຍຫລາຍຢ່າງ ທາງທີ່ພັກ, ຮ້ານອາຫານ, ບ່ອນລົງອາບນໍ້າ, ຈຸດລົງແຊ່ນໍ້າ ທີ່ສະອາດງາມຕາ. ຖືເປັນອີກສະຖານທີ່ທ່ອງທ່ຽວ ທີ່ບັນດາທ່ານບໍ່ຄວນເບີ່ງຂ້າມ ແລະ ບາງເທື່ອ ແຂກ ພຽງແຕ່ແລ່ນລົດ ກາຍໄປ-ກາຍມາ ແຕ່ປີ 2018 ນີ້, ຂໍເຊີນຊວນ ບັນດາແຂກ ລອງຍຸດລົງ ແລ້ວລົງສໍາຜັດ ດ້ວຍຕົວທ່ານເອງ.
Editor: ກຳປານາດ ລັດຖະເຮົ້າ
