ງານປະກວດ ນາງສາວອາພອນເພດຊົງລາວ ເພຶ່ອເປັນການສ້າງສີສັນໃຫ້ແກ່ ການສະເຫລີມສະຫຼອງ ສົ່ງທ້າຍປີເກົ່າ ແລະ ຕ້ອນຮັບປີໄຫມ່ 2018. ໂດຍມີນາງສາວທີ່ໄດ້ສົງເຂົ້າປະກວດທັງ ໝົດ 47 ນາງສາວ. ຈາກ 28 ພາກສ່ວນພາຍໃນແຂວງ. ບັນຍາກາດພາຍໃນຄໍ່າຄືນນັ້ນ ແມ່ນເຕັ້ມໄປດ້ວຍຄວາມຄືກຄື້ນ - ມ່ວນຊື່ນ. ສ້າງຄວາມປະທັບໃຈ ໃຫ້ກັບຜູ້ຊົມ - ຜູ້ເຊຍທີມາໃຫ້ກໍາລັງໃຈໄດ້ເປັນຢ່າງດີ ທາມກາງສຽງຮ້ອງໂຮ - ດັງສະໜັ່ນພາຍໃນເວທີ, ດັ່ງທີຮູ້ກັນດີແລ້ວວ່າ ການປະກວດນາງສາວອາພອນເພດຊົງລາວ ໃນຄັ້ງນີ້ ແມ່ນນອນຢູ່ໃນກິດຈະກໍາໜຶ່ງ ຂອງການສະເຫຼີມ - ສະຫຼອງ ສົງທ້າຍປີເກົ່າ ແລະ ຕ້ອນຮັບປີໃໝ່ 2018. ເພຶ່ອຫາລາຍໄດ້ເຂົ້າກອງທຶນ 1 ດວງໃຈ ບໍລິຄໍາໄຊ ຊ່ວຍເຫຼຶ່ອສັງຄົມ ໃຫ້ມີຄວາມຍືນຍົງຄົງຕົວຕະຫຼອດໄປ. ຜ່ານການເດີນແບບຂອງນາງສາວທີ່ສົ່ງເຂົາປະກວດ ຈໍານວນ 47 ນາງສາວ, ໄດ້ສິ້ນສຸດລົງ ກໍ່ຮູ້ໄດ້ວ່າຜູ້ທີໄດ້ຮັບລາງວັນຊະນະເລີດອັນດັບທີ 1 ໄດ້ແກ່ຜູ້ເຂົ້າປະກວດໝາຍເລກ 23 ນາງສາວ ນຸດ ໄຊຊະກຸນທອງ ໂດຍແມ່ນໂຮງຮຽນ ເຕັກນິກວິຊາຊີບແຂວງບໍລິຄໍາໄຊ ເປັນຜູ້ສົງເຂົ້າປະກວດ. ໄດ້ຮັບເງິນສົດຈໍານວນ 1 ລ້ານກີບ, ພ້ອມດ້ວຍສາຍສະພາຍ. ອັນດັບ ທີ 2 ໄດ້ແກ່ຜູ້ເຂົ້າປະກວດໝາຍເລກ 1 ນາງສາວ ອໍາມາລາ ພິມມະສານ ໂດຍແມ່ນ ປກສ ແຂວງ ເປັນຜູ້ສົງເຂົ້າປະກວດ. ໄດ້ຮັບເງິນສົດ 7 ແສນກີບ. ແລະ ອັນດັບທີ 3 ໄດ້ແກ່. ຜູ້ເຂົ້າປະກວດໝາຍເລກ 37 ນາງສາວ ຈັນສຸດາ ສຸລິວົງ ໂດຍແມ່ນ ພະແນກສຶກສາທິການ ແລະກິລາແຂວງ ເປັນຜູ້ສົງເຂົ້າປະກວດ. ໄດ້ຮັບເງິນສົດ 5 ແສນກີບ. ເປັນກຽດມອບຂອງຂ້ວນລາງວັນຕ່າງໆ ໂດຍມີ ທ່ານເຈົ້າແຂວງ - ຮອງເຈົ້າແຂວງ ບໍລິຄໍາໄຊຕາມລໍາດັບ.
Editor: ກຳປານາດ ລັດຖະເຮົ້າ
