ງານປະກວດນາງສາວບັນດາເຜົ່າ ເມືອງທ່າແຕງ ຈັດຂຶ້ນຢ່າງຄຶກຄື້ນ ໃນຄໍ່າຄືນວັນທີ 5 ມັງກອນ 2018 ທີເດີ່ນກິລາ ເມືອງທ່າແຕງ, ເຊິ່ງມີມວນເຂົ້າຮ່ວມຊົມຢ່າງຫຼວງຫຼາຍ. ງານປະກວດນາງສາວບັນດາເຜົ່າຢູ່ ເມືອງທ່າແຕງ ຄັ້ງນີ້ ຈັດຂຶ້ນເພື່ອແນໃສ່ການອະນຸລັກສົ່ງເສີມຄຸນຄ່າວັດທະນະທຳອັນດີງາມຂອງຊາດ ກໍຄື ຂອງທ້ອງຖິ່ນໃຫ້ຄຽງຄູ່ຢູ່ກັບຄົນລາວຕະຫຼອດໄປ ໂດຍການປະກວດໄດ້ຈັດເປັນສອງຮອບ ຄື: ຮອບທີ 1 ຄັດເລືອກເອົາ 7 ນາງສາວ, ຈາກຜູ່ເຂົ້າປະກວດທັງ ໝົດ 15 ນາງສາວ, ຮອບທີ 2 ຄັດເລືອກເອົາ 3 ນາງສາວ ພ້ອມທັງປະກາດຜົນ ເຊີ່ງແມ່ນ ນາງ ເອະດາວັນ ພັນທະວົງ ອາຍຸ 17 ປີ ໄດ້ຊະນະເລີດ, ໃນຄະນະທີ່ ນາງ ສຸກທະວີ ສີລິພັນ ອາຍຸ 16 ປີ ໄດ້ຮອງຊະນະເລີດອັນດັບທີ 1 ແລະ ນາງ ມະໄລພອນ ບຸດຕະວົງ ອາຍຸ 18 ປີ, ໄດ້ຮອງ ອັນດັບທີ 2 .

ທ່ານ ພູວົງ ກອງຊັບ ກໍາມະການພັກເມືອງ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງທ່າແຕງ ກ່າວວ່າ: ຜ່ານຈາກການປະກວດ ແລະ ໄດ້ຄັດເລືອກທັງ 3 ນາງສາວຈະໄດ້ເປັນຕົວແທນແມ່ຍິງທົ່ວເມືອງທ່າແຕງ ແລະ ເຮັດໜ້າທີ່ເປັນທູດວັດທະນະທຳເປັນເວລາ 1 ປີ, ພ້ອມທັງເຂົ້າຮ່ວມກິດຈະກໍາທາງສັງຄົມ ງານປະເພນີທີ່ສໍາຄັນ ຕິດພັນກັບການທ່ອງທ່ຽວ ເຊັ່ນ: ນາງ ສັງຂານປີໃໝ່ລາວ...ແລະ ກິດຂະກໍາອື່ນໆ

ຖວທ ເມືອງທ່າແຕງ

Editor: ກຳປານາດ ລັດຖະເຮົ້າ