ລາວ-ຫວຽດນາມ ບັນລຸຂໍ້ຕົກລົງການຮ່ວມມືເພື່ອນຳສະເໜີປ່າສະຫງວນແຫ່ງຊາດຫີນໜາມໜໍ່ ແຂວງຄຳມ່ວນ ເຂົ້າເປັນມໍລະດົກໂລກທາງທຳມະຊາດ ຮ່ວມຊາຍແດນ ກັບຟອງຍາແກບັງ ມໍລະດົກໂລກທາງທຳມະຊາດ ແຂວງກວາງບິງ ສສ.ຫວຽດນາມ.
ການຮ່ວມມືທີ່ເປັນປະຫວັດສາດຄັ້ງນີ້ ໄດ້ມີຂຶ້ນພາຍຫຼັງການພົບປະ 2 ຝ່າຍ ລະຫວ່າງກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ສປປ ລາວ ຊຶ່ງນຳໂດຍ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວ-ວັດທະນະທໍາ ແລະ ທ່ອງທ່ຽວ ກັບ ກະຊວງວັດທະນະທໍາ- ກິລາ ແລະ ທ່ອງທ່ຽວ ສສ.ຫວຽດນາມ ນໍາໂດຍ ທ່ານນາງ ດັງ ທິ ບິກລຽນ, ຮອງ ລັດຖະມົນຕີ ກະຊວງວັດທະນະທໍາ-ກິລາ ແລະ ການທ່ອງທ່ຽວ ສສ ຫວຽດນາມ,
ພິທີດັ່ງກ່າວ ໄດ້ຈັດຂື້ນທີ່ນະຄອນຫລວງຮ່າໂນ້ຍ ສາທາລະນະລັດ ສັງຄົມນິຍົມ ຫວຽດນາມ ເມື່ອອາທິດ ຜ່ານມາ.
Editor: ກຳປານາດ ລັດຖະເຮົ້າ
