ທ້າຍອາທິດທີ່ຜ່ານມາ ທ່ານ ຈຸມມະລີ ໄຊຍະສອນ ອະດີດປະທານປະເທດແຫ່ງ ສປປ ລາວ ພ້ອມດ້ວຍພັນລະຍາ ລົງເຄືອນໄຫວຢ້ຽມຢາມເມືອງພູຸຄູນ ໂດຍມີ ທ່ານ ວຽງທອງ ຫັດສະຈັນ ກຳມະການພັກແຂວງ ເລຂາພັກເມືອງ ເຈົ້າເມືອງພູຄູນ ພ້ອມດ້ວຍຄະນະ ໃຫ້ການຕ້ອນຮັບ
ໃນໂອກາດຂອງການຢ້ຽມຢາມເມືອງພູຄູນ ຂອງອະດີດປະທານປະເທດ ແລະ ຄະນະໃນຄັ້ງນີ້ ໄດ້ຢ້ຽມຊົມແຫຼ່ງທ່ອງທ່ຽວສາລາຄຳພູຄູນ, ເປັນແຫຼ່ງທ່ອງທ່ຽວທາງທຳມະຊາດອີກແຫ່ງໜຶ່ງ ທີ່ມີຊື່ສຽງຂອງເມືອງພູຄູນ ທີ່ໄດ້ຮັບການນິຍົມຂອງນັກທ່ອງທ່ຽວຈາກພາຍໃນ ແລະ ຕ່າງປະເທດ ທີ່ເຂົ້າມາສຳພັດກັບບັນຍາກາດໜາວ, ຊົມທຳມະຊາດ, ທະເລໝອກ. ແລະ ໃນປີ2017 ມີນັກທ່ອງທ່ຽວ ເຂົ້າມາທ່ຽວເຖິງ 3,257 ເທື່ອຄົນ.
ໃນໂອກາດນີ້ ທ່ານ ຈຸມມະລີ ໄຊຍະສອນ ອະດີດປະທານປະເທດ ຍັງໄດ້ໂອ້ລົມ ແລະ ໃຫ້ທິດຊີ້ນຳໃຫ້ຄະນະພັກ-ອຳນາດການປົກຄອງເມືອງພູຄູນ ເອົາໃຈໃສ່ ຊີ້ນຳ-ນຳພາຈັດຕັ້ງປະຕິບັດໃຫ້ບັນລຸຕາມຄາດໝາຍແຜນພັດທະນາເສດຖະກິດ-ສັງຄົມ ຂອງເມືອງທີ່ໄດ້ກຳນົດໄວ້ ໂດຍສະເພາະແມ່ນການສ້າງອາຊີບທີ່ໝັ້ນຄົງ ເພື່ອແກ້ໄຂຄວາມທຸກຍາກຂອງປະຊາຊົນ ໂດຍອີງໃສ່ທ່າແຮງທີ່ມີເປັນຕົ້ນແມ່ນ: ການປູກຜັກປອດສານຜິດ-ການລ້ຽງສັດໃຫ່ຍເປັັນສິນຄ້າ ແລະ ການບໍລິການດ້ານການທ່ອງທ່ຽວ. ໃນນີ້ ທ່ານໄດ້ໃຫ້ທິດຊີ້ນໍາ ໂດຍໃຫ້ອຳນາດການປົກຄອງເມືອງ ສຳຫຼວດຈຸດຖໍ້າຜາຫວາຍ ແລະ ຈຸດອື່ນໆເພື່ອບູລະນະ-ປັບປຸງສ້າງເປັນແຫຼ່ງທ່ອງທ່ຽວ
Editor: ກຳປານາດ ລັດຖະເຮົ້າ
