ຫລວງພະບາງ ເມືອງມໍລະດົກໂລກ ທີ່ໃຜໆກໍ່ຮູ້ຈັກ ນັບທັງແຂກຕ່າງດ້າວ, ທ້າວຕ່າງແດນ ແມ່ນໄດ້ພາກັນ ເດີນທາງມາຢ້ຽມຢາມ ສໍາຜັດກັບ ວັດທະນະທໍາ ຂອງຄົນລາວ, ພ້ອມກັນນັ້ນ ຍັງໄດ້ສຶກສາເບີ່ງວິຖິຊິວີດ ການທໍາມາຫາກິນ ແລະ ຮິດຄອງປະເພນີ ອັນດີງາມ ຂອງປະຊາຊົນບັນດາເຜົ່າ ກໍ່ຄື ເມືອງຫລວງພະບາງ. ຫລວງພະບາງ ໃນແຕ່ລະມື້ ແມ່ນມີຫລາຍກິດຈະກໍາ ທີ່ຫນ້າສົນໃຈ ແກ່ນັກທ່ອງທ່ຽວ. ເຊົ້າມຶດ ແມ່ນມີການໃສ່ບາດ-ຍາດນໍ້າ, ຂື້ນພູສີ ຊົມທິວທັດທໍາມພຊາດ ແລະ ວິວຕົວເມືອງ ໃນຍາມເຊົ້າ ແລະ ອີກສີ່ງຫນຶ່ງ ທີ່ຂາດບໍ່ໄດ້ ສໍາລັບນັກທ່ອງທ່ຽວ ກໍ່ຄື ການໂລລາດ ຫລື ເລາະຕະຫລາດ ໃນຍາມເຊົ້າ. ຕະຫລາດຍາມເຊົ້າ ແມ່ນໄດຸ້ືກວາງຂາຍ ດ້ານຂ້າງວັດແສນ ເຊີ່ງມີມາແຕ່ຍາວນານ ແຕ່ປະຈຸບັນ ຍັງຮັກສາໄວ້ ຄືເກົ່າ ເພື່ອອະນຸລັກ ແບບແຜນວິຖີຊີວິດ ຂອງຄົນຫລວງພະບາງ ທີ່ມີມາແຕ່ຍາວນານ.

ພາຍໃນຕະຫລາດ ທີ່ວ່ານີ້: ປະຊາຊົນ ທັງບ້ານໃກ້ຄຽງ ໄດ້ນໍາເອົາວັດຖຸດິບ ຈາກທໍາມະຊາດ ມາວາງຂາຍ ແຕ່ເຊົ້າໆ ເພື່ອໃຫ້ນັກທ່ອງທ່ຽວ ກໍ່ຄືປະຊາຊົນ ໄດ້ມີການຈັບ-ຈ່າຍ ຊື້ຂາຍ ແບບວິຖີ ຄົນເມືອງຫລວງ. ນັບທັງອາຫານການກິນ, ກຸ້ງ-ຫອຍ-ປູປາ ແລະ ພຶດຜັກທາງດ້ານກະສິກໍາ ທີ່ຫາໄດ້ຕາມລະດູການ ແລະ ມີໃນທ້ອງຖີ່ນ, ເຊີ່ງເມື່ອເລາະເບີ່ງແລ້ວ ເຫັນວ່າ ມີຄວາມແປກຕາ ເພາະ ຮູບແບບການຂາຍ ຂອງປະຊາຊົນ ແມ່ນວາງຂາຍ ຕາມທາງ ມັກອັນໃດ ກໍ່ຊື້ອັນນັ້ນ ຕາມໃຈຜູ້ຊື້.

Editor: ກຳປານາດ ລັດຖະເຮົ້າ