ຂຸນກອງແລ ແມ່ນເປັນຊື່ສະຖານທີ່ທ່ອງທ່ຽວທາງທຳມະຊາດ ທີ່ແຂວງຄໍາມ່ວນ, ເຊີ່ງເປັນຫນອງນ້ຳ ສີຂຽວມໍລະກົດ, ຕັ້ງໃນເຂດປ່າສະຫງວນແຫ່ງຊາດພູຫີນບູນ, ບ້ານນາຄື, ເມືອງຫີນບູນ, ແຂວງຄຳມ່ວນ. ສະຖານທີ່ທ່ອງທ່ຽວ ຂຸນກອງແລ ໃນປະຈຸບັນຍັງຄົງຄວາມອຸດົມສົມບູນ ແລະ ອ້ອມຮອບໄປດ້ວຍປ່າໄມ້ອັນຂຽວສົດງົດ
ຂຸນກອງແລ ແມ່ນເປັນຊື່ສະຖານທີ່ທ່ອງທ່ຽວທາງທຳມະຊາດ ທີ່ແຂວງຄໍາມ່ວນ, ເຊີ່ງເປັນຫນອງນ້ຳ ສີຂຽວມໍລະກົດ, ຕັ້ງໃນເຂດປ່າສະຫງວນແຫ່ງຊາດພູຫີນບູນ, ບ້ານນາຄື, ເມືອງຫີນບູນ, ແຂວງຄຳມ່ວນ. ສະຖານທີ່ທ່ອງທ່ຽວ ຂຸນກອງແລ ໃນປະຈຸບັນຍັງຄົງຄວາມອຸດົມສົມບູນ ແລະ ອ້ອມຮອບໄປດ້ວຍປ່າໄມ້ອັນຂຽວສົດງົດງາມ ແລະ ສາຍພູຫີນປູນ ທີ່ຍັງຢາຍລຽງລາຍ ສະຫລັບສັບຊ້ອນ. ສະຖານທີ່ ຂຸນກອງແລ ແມ່ນມີລັກສະນະໂດດເດັ່ນ, ເປັນຫນອງນ້ຳທີ່ມີ ສີຂຽວໃສ ແລະ ຂຽວຂຸ້ນມໍລະກົດ. ພ້ອມກັນນັ້ນຍັງມີປາອາໃສຢູ່ເປັນຈຳນວນຫລວງຫລາຍ ແລະ ຫລາຍຊະນິດ, ສະຖານທີ່ທ່ອງທ່ຽວ ແຫ່ງນີ້ມີອາກາດເຢັນສົດຊື່ນ ຈາກທຳມະຊາດ, ພູຜາປ່າໄມ້. ຫນອງນ້ຳຂຸນກອງແລ ຍັງມີລັກສະນະພິເສດ ຄື: ນ້ຳພາຍໃນຫນອງ ຈະມີການປ່ຽນສີ ໄປຕາມລະດູການ, ໃນປີ 1 ສາມາດປ່ຽນສີ ໄດ້ເຖິງ 3 ສີ ຄື: ສີຟ້າໃສ, ສີຂຽວໃສ ແລະ ສີຂຽວຂຸ້ນມໍລະກົດ.
ສະຖານທີ່ແຫລ່ງທ່ອງທ່ຽວ ຂຸນກອງແລ ບໍ່ພຽງແຕ່ເປັນທຳມະຊາດທີ່ສວຍງາມເທົ່ນັ້ນ ແຕ່ຍັງຖືວ່າເປັນສະຖານທີ່ສັກສິດຂອງປະຊາຊົນພາຍໃນບ້ານນາຄື ທີ່ໃຫ້ການເຄົາລົບນັກຖື, ດັ່ງນັ້ນ,ປະຊາຊົນ ຈິ່ງໄດ້ພ້ອມກັນປົກປັກຮັກສາ ແລະ ຄຸ້ມຄອງສະຖານທີ່ທ່ອງທ່ຽວແຫ່ງນິ້ໄວ້ເປັນຢ່າງດີ.
ເປົ້າຫມາຍໃນການພັດທະນາສະຖານທີ່ແຫ່ງນີ້ ໃຫ້ເປັນແຫລ່ງທ່ອງທ່ຽວທີ່ໂດດເດັ່ນທາງທຳມະຊາດ, ເພື່ອເປັນການສ້າງຄວາມສົນໃຈ ແລະ ດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດ ໄດ້ເດີນທາງມາທ່ຽວຊົມໃຫ້ຫລາຍຂື້ນ, ພ້ອມກັນນັ້ນຍັງເປັນການພັດທະນາບ້ານ, ພັດທະນາຊີວິດການເປັນຢູ່ຂອງປະຊາຊົນ, ສ້າງລາຍຮັບສູ່ປະຊາຊົນ, ທັງເປັນການໂຄສະນາເຜີຍແຜ່ວັດທະນະທຳ, ຮິດຄອງປະເພນີ ແລະ ວິຖີຊີວິດຂອງປະຊາຊົນໃນທ້ອງຖີ່ນ ຕິດພັນກັບການທ່ອງທ່ຽວທາງທຳມະຊາດອີກດ້ວຍ. ປີທ່ອງທ່ຽວລາວ 2018 ຂໍເຊີນຊວນ ບັນດານັກທ່ອງທ່ຽວ ທັງພາຍໃນ ແລະ ຕາງປະເທດ ເດີນທາງມາຢ້ຽມຢາມ ແລະ ສໍາຜັດກັບທໍາມະຊາດ ທີ່ສະຖານທີ່ແຫ່ງນີ້.
Editor: ກຳປານາດ ລັດຖະເຮົ້າ
