ນາຄາຣາຊ ຊີຕີ ສະຖານທີ່ທ່ອງທ່ຽວແຫ່ງໃຫມ່ ທີ່ໜ້າສົນ ໃຈກາງນະຄອນຫຼວງວຽງຈັນ ສະຖານທີ່ດັ່ງກ່າວ ເປີດຂື້ນມາເພື່ອໃຫ້ເປັນແຫຼ່ງທ່ອງທ່ຽວແຫ່ງໃໝ່ ແລະ ດຶງດູດຄວາມສົນໃຈຂອງຜູ້ລົງທຶນໃຫ້ມາລົງທຶນຢູ່ ນະຄອນຫລວງວຽງຈັນ ແລະ ສິງສໍາຄັນເພື່ອດຶງດູດນັກທ່ອງທ່ຽວໃຫ້ມາຊົມສວນເຈົ້າອະນຸວົງ ກໍ່ຄືແຫຼ່ງທ່ອງທ່ຽວແຫ່ງນີ້ໃຫ້ນັບມື້ຫຼາຍຂຶ້ນ,

ສະຖານທີ່ທ່ອງທ່ຽວ ນາຄາຣາຊຊີຕີ ມີຄວາມໝາຍວ່າ: “ເມືອງທ່ອງທ່ຽວແຫ່ງພະຍານາກ” ເຊິ່ງໄດ້ຮັບການອອກແບບສະຖາປັດຕະຍະກຳລາວຮ່ວມສະໄໝ ປະກອບມີເຂດວາງສະແດງສິນຄ້າຜະລິດຕະພັນຕ່າງໆ ນອກນີ້, ຍັງມີຮ້ານອາຫານ ນ້ຳພຸ ສວນດອກໄມ້ ບ່ອນພັກຜ່ອນ ຫ້ອງນ້ຳສະອາດ ບ່ອນຈອດລົດກວ້າງຂວາງ ປະດັບດ້ວຍແສງສະຫວ່າງ ເຮັດໃຫ້ພັກລຸ່ມແຄມຂອງ ມີຄວາມສວຍງາມ ໂດດເດັ່ນແບບສາກົນ ທັງສອດຄ່ອງກັບຄຳຂວັນ 6 ສ, ຂອງ ນະຄອນຫລວງວຽງຈັນ ວາງອອກ. ສະຖານທີ່ແຫ່ງນີ້ ຍິ່ງເຮັດໃຫ້ການທ່ອງທ່ຽວ ແຄມຂອງ ມີຄວາມຄຶກຄື້ນຫລາຍຂື້ນ ທັງເປັນປີ ທ່ອງທ່ຽວລາວ ເຊື່ອແນ່ວ່າ ຈະມີນັກທ່ອງທ່ຽວ ມາທ່ຽວຊົມ ເປັນຈໍານວນຫລວງຫລາຍ ຢ່າງແນ່ນອນ.

Editor: ກຳປານາດ ລັດຖະເຮົ້າ