ມະຫານະທີ ສີພັນດອນ ແຂວງຈຳປາສັກ ໄດ້ກາຍເປັນເຂດທ່ອງທ່ຽວທີ່ນິຍົມກັນຫຼາຍທັງພາຍໃນ ແລະ ຕ່າງປະເທດ, ດ້ວຍຄວາມເປັນສະຖານທີ່ທ່ອງທ່ຽວທີ່ອຸດົມໄປດ້ວຍຊັບພະຍາກອນທາງທຳມະຊາດ ແລະ ລະບົບນິເວດວິທະຍາ. ພ້ອມທັງທິວທັດທີ່ໂດດເດັ່ນ ແລະ ສວຍງາມ ສ້າງຄວາມປະທັບໃຈໃຫ້ແກ່ຜູ້ພົບເຫັນ ເກີດຈາກທຳມະຊາດເຊິ່ງປະກອບດ້ວຍປ່າຕຶບໜາອັນຂຽວງາມ ແລະ ໜ່ວຍພູສູງທຽມຟ້າ, ເມື່ອແນມໄປທາງຕາເວັນຕົກ ຫຼື ທິດໃຕ້ ຈະເຫັນທຳມະຊາດທີ່ກົມກືນ ເຂົ້າກັບດອນຕ່າງໆ, ຫາດຊາຍ, ປ່າຊາຍ,ເກາະດອນນ້ອຍໃຫຍ່ ເຕັມໄປທົ່ວລຳແມ່ນ້ຳຂອງ ທີ່ກວ້າງໃຫຍ່, ມີໂງ່ນຫີນ ແລະ ໜ້າຜາທີ່ສະຫຼັບສັບຊ້ອນຈົນ

ກາຍເປັນແຫຼ່ງນ້ຳຕົກຕາດ, ແກ້ງ, ດອນຫຼວງຫຼາຍເກີນທີ່ຈະບັນຍາຍ ແລະ ທີ່ສໍາຄັນ ເຂດມະຫານະທີສີພັນດອນ ຍັງເປັນທີ່ຕັ້ງຂອງ “ນ້ຳຕົກຕາດຄອນພະເພັງ” ແລະ “ນ້ຳຕົກຕາດສົມພະມິດ ຫຼື ຫຼີຜີ ທີ່ມີຊື່ສ່ຽງໂດ່ງດັງພາຍໃນ ແລະ ຕ່າງປະເທດ.

ນໍ້າຕົກຕາດ ຄອນພະເພັງ ສວຍງາມ ຈົນໄດ້ຮັບສົມຢານາມວ່າ ເປັນໄຂມຸກແຫ່ງເອເຊຍ ໄດ້ສ້າງສື່ສຽງ ແກ່ ສປປ ລາວ ແລະ ຍັງດຶງດູດນັກທ່ອງທັງພາຍໃນ ແລະ ຕ່າງປະເທດ ມາທ່ອງທ່ຽວ ເປັນຈໍານວນຫລວງຫລາຍ ໃນແຕ່ລະປີ.

Editor: ກຳປານາດ ລັດຖະເຮົ້າ