ແຫຼ່ງທ່ອງທຽ່ວທຳມະຊາດ ນໍ້ຳຕົກຕາດຊອນ ແດນຫົງພູສູງ ສວນອຸດທະຍານພຶກສາສາດ ຊຸມຊົນສະມາຄົມອາຊຽນ ແມ່ນໜຶ່ງສະຖານທີ່ທ່ອງທ່ຽວທາງທຳມະຊາດ ທີ່ມີລະບົບນິເວດ ຍັງຄົງຄວາມອຸດົມສົມບູນ, ທີ່ຫຼາຍຄົນໄປສຳພັດແລ້ວຫຼົງໄຫຼ ມີຄວາມຮູ້ສຶກສົດຊື່ນຕາມຮົ່ມໄມ້ ແລະ ຫາຍໃຈເອົາອາດກາດທີ່ບໍລິສຸດ.
ທ່ານ ຄຳໄພ ສົມຊະນະ, ເຈົ້າຂອງແຫຼ່ງທ່ອງທ່ຽວທໍາມະຊາດ ນໍ້າຕົກຕາດຊອນ ແດນຫົງພູສູງ ສວນອຸດທະຍານພຶກສາສາດ ຊຸມຊົນສະມາຄົມອາຊຽນ ໃຫ້ຮູ້ວ່າ: ແຫລ່ງທ່ອງທ່ຽວດັ່ງກ່າວ ເປັນສະຖານທີ່ທ່ອງທ່ຽວອີກແຫ່ງໜື່ງ ທີ່ຕັ້ງຢູ່ເມືອງນາຊາຍທອງ, ນະຄອນຫຼວງວຽງຈັນ ທີ່ມີຮ່ອງຮອຍປະຫວັດສາດ ໄດ້ຮັບຄວາມນິຍົມມາເປັນເວລາດົນນານ ນັບແຕ່ເປີດບໍລິການ ຖືວ່ານັກທ່ອງທ່ຽວພາຍໃນ ແລະ ຕ່າງປະເທດ ໃຫ້ຄວາມສົນໃຈແວະວຽນໄປທ່ຽວຊົມຢ່າງບໍ່ຂາດສາຍເປັນຈຳນວນຫຼາຍ ແລະ ເພື່ອຮອງຮັບປີທ່ອງທ່ຽວລາວ 2018 ໃຫ້ທຸກຄົນໄດ້ຮັບຮູ້ຢ່າງກວາ້ງຂວາງ ທາງແຫ່ລງທ່ອງທ່ຽວທໍາມະຊາດ ນໍ້າຕົກຕາດຊອນ ແດນຫົງພູສູງ ສວນອຸດທະຍານພຶກສາສາດ ຊຸມຊົນສະມາຄົມອາຊຽນ ປະຈຸບັນ ໄດ້ມີຫລາຍກິດຈະກຳ ການທ່ອງທ່ຽວທ່ຽວ ເຊັ່ນ: ການຂີ້ຊ້າງຊົມທຳມະຊາດ, ການຍ່າງປ່າຊົມທໍາມະຊາດ, ນັ່ງຕູບ ແລະ ອື່ນໆ ທັງນີ້ ກໍ່ເພື່ອເປັນການຮອງຮັບ ແລະ ດຶງນັກທ່ອງທ່ຽວມາທ່ຽວຊົມ ມີຄວາມປະທັບໃຈ ຢາກກັບມາທ່ຽວອີກ.
ມີສຽງສຳພາດທ່ານ ຄຳໄພ ສົມຊະນະ, ເຈົ້າຂອງແຫຼ່ງທ່ອງທ່ຽວທໍາມະຊາດ ນໍ້າຕົກຕາດຊອນ ແດນຫົງພູສູງ ສວນອຸດທະຍານພຶກສາສາດ ຊຸມຊົນສະມາຄົມອາຊຽນ ມາໃຫ້ຮູ້ລາຍລະອຽດເພີ່ມຕື່ມ.
ປ່ອຍສຽງສໍາພາດ

Editor: ຕະວັນ ແສງສະຫວັນ