ໃນວັນທີ 25 ເມາສາ ຜ່ານມານີ້ ທີ່ເມືອງນອງ ແຂວງສະຫວັນນະເຂດ ໄດ້ຈັດພິທີເປີດຊຸດບໍາລຸງທິດສະດີການເມືອງ-ການປົກຄອງ ໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງອອ້ມຂ້າງເມືອງ ຊຸດທີ 4. ໂດຍການເປັນປະທານຂອງທ່ານ ວົງເພັດ ໄຊສະຫງວນ ຫົວໜ້າຄະນະໂຄສະນາອົບຮົມແຂວງ, ທັງເປັນຜູ້ຊີ້ນໍາໂຮງຮຽນການເມືອງການປົກຄອງແຂວງ, ທ່ານ ປອ ສຸພາພອນ ນັນທະນາວອນ, ເຈົ້າເມືອງເມືອງນອງ, ມີບັນດາອໍານວຍການທີ່ມາຈາກໂຮງຮຽນການເມືອງ-ການປົກຄອງແຂວງ ແລະ ນັກສໍາມະນາກອນເຂົ້າຮ່ວມ.
ໃນພິທີທ່ານ ສຸກສາຄອນ ໂພທິລາດ ຫົວໜ້າຫ້ອງການຈັດຕັ້ງເມືອງ ກໍ່ໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ເລກທີ 0466/ພປພຂ ແລະ ໄດ້ຮັບຟັງການຜ່ານການຮຽນການສອນໂຄງການຫຼັກສູດການຮຽນທິດສະດີການເມືອງ-ການປົກຄອງ ຈາກທ່ານຫົວໜ້າຫ້ອງການໂຄນະນາອົບຮົມເມືອງ, ໃນໂຄງການດໍາເນີນທິດສະດີ ໃນໄລຍະສັ້ນ ລວມມີ 5 ວິຊາ 39 ບົດ ແລະ ສົມທົບກັບຫ້ອງການອ້ອມຂ້າງເມືອງມີ 6 ບົດ, ລວມທັງໝົດ 45 ບົດ, ໃນນັ້ນ ວິຊາປັດຊະຍາ ມີ 8 ບົດ, ວິຊາເສດຖະສາດການເມືອງ ປະກອບ ມີ 10 ບົດ, ວິຊາລັດທິສັງຄົມນິຍົມ, ວິທະຍາສາດ ມີ 8 ບົດ, ວິຊາບໍລິຫານສາດ ມີ 8 ບົດ ແລະ 3 ບົດລາຍງານ ແລະ ວິຊາກໍໍ່ສ້າງພັກ ປະກອບ ມີ 4 ບົດ ໂດຍປະຕິບັດຕາມຫຼັກສູດໂຄງການທິດສະດີ 45 ວັນເຕັມ ແມ່ນບໍ່ນັບ ວັນເສົາ-ອາທິດ ແລະ ວັນພັກຕ່າງໆ ລວມທັງໝົດ 315 ຊົ່ວໂມງ, ໃນນັ້ນ ປະກອບມີ ຈໍານວນ ຂຶ້ນຫ້ອງລວມ 217 ຊົ່ວໂມງ, ຊົ່ວໂມງສໍາມະນ ຫຼື ເປັນໜ່ວຍລວມ ມີ 4 ຊົ່ວໂມງ ຈໍານວນ ແກ້ໄຂຂໍ້ຂ້ອງໃຈ ມີ 15 ຊົ່ວໂມງ, ຊົ່ວໂມງໄປທັດສະຊະ 7 ຊົ່ວໂມງ ຜ່ານບົດເກັບກ່ຽວ ມີ 7 ຊົ່ວໂມງ ແລະ ຈຳນວນ ສ່ອງແສງ ແລະ ປິດຊຸດບຳລຸງທິດສະດີການເມືອງ-ການປົກຄອງ ມີ 7 ຊົ່ວໂມງ ມີອາຈານທີ່ມາຈາກແຂວງ 10 ທ່ານ, ຍິງ 1 ທ່ານ, ອາຈານຮັບຜິດຊອບຂັ້ນເມືອງ ມີ 6 ທ່ານ.
ສ່ວນວັນເວລາໃນການຮຽນແມ່ນໄດ້ເລີ່ມຕົ້ນຮຽນໃນຕອນບ່າຍຂອງວັນທີ 25 ເມສາ 2018 ເປັນຕົ້ນໄປ ແລະ ໃນໂອກາດດັ່ງກ່າວ ແມ່ນໄດ້ຮັບຟັງການໂອ້ລົມຂອງທ່ານ ວົງເພັດ ໄຊສະຫງວນ ຫົວໜ້າຄະນະໂຄສະນາອົບຮົມແຂວງ, ເພື່ອເຮັດໃຫ້ການຮຽນຊຸດອົບຮົມທິດສະດີການ ເມືອງ-ການປົກຄອງຊຸດນີ້ ມີຄວາມໝາຍໜັກ ແໜ້ນ ໂດຍທ່ານໄດ້ເນັ້ນໜັກໃຫ້ນັກສຳມະນາກອນ ຈົ່ງພ້ອມກັນຈັດຕັ້ງປະຕິບັດ ແລະ ເອົາໃຈໃສ່ໃນການຮຽນ ເພື່ອນຳໃຊ້ເຂົ້າໃນວຽກງານຕົວຈິງຂອງບັນດາແຕ່ລະຫ້ອງການ.

Editor: ນັກຂ່າວເມືອງນອງ.