ແຂວງສາລະວັນ ເຊິ່ງເປັນດິນແດນທີ່ເຊື່ອງຊ້ອນຄວາມສວຍງາມ ທາງທຳມະຊາດ, ວັດທະນະທໍາ ແລະ ມູນເຊື້ອປະຫັວດສາດທີ່ເກົ່າແກ່ແອບແຝງຄວາມໜ້າສົນໃຈທີ່ໜ້າຄົ້ນຫາ. ມື້ນີ້ທີມຂ່າວຂອງພວກເຮົາໄດ້ນຳເອົາວັດທະນະທຳ ອັນລໍ້າຄ່າ ສີມືອັນປານີດ ຂອງນັກຈິດຕະກອນບູຮານ ນັ້ນກໍ່ຄື: ຫໍໄຕວັດກາງ. ເຊິ່ງຕັ້ງຢູ່ ບ້ານວັດກາງ ເທດສະບານເມືອງສາລະວັນ. ເປັນຫໍໄຕວັດກາງ ເປັນມໍລະດົກອັນລໍ້າຄ່າ ທາງດ້ານວັດທະນະທໍາ, ເປັນສີມືອັນປານີດ ຂອງນັກຈິດຕະກອນບູຮານ, ເປັນຄັງສາງພະໄຕປີດົກ ຂອງສາດສະໜາພຸດ ນັບແຕ່ປະຖົມມະການແປດໝື່ນທຳມະຂັນ ໜັງສືສູດເທດ ແລະ ຄຳສອນຕ່າງໆ ລ້ວນແຕ່ແມ່ນພູມປັນຍາ ຂອງນັກປາດ. ສ້າງຂຶ້ນປີ ຄສ 1857 ທ້າຍການປົກຄອງ ຂອງສັກດີນາສະ ຫຍາມ, ເປັນເຈົ້າສັດທາ ຂອງພະເອກະລາດທີ 6; ທ້າວເຫງົ້າຊຽງກັນຍາ ແລະ ໄພ່ພົນໂຍທາ ໃນຂອບເຂດສາລະວັນ. ພະຍາເຫງົ້າຊຽງກັນຍາ ໄດ້ນິມົນ ອາຈານ-ຄູ ຢູ່ປະເທດໄທ ຈາກນະຄອນລາດຊະສີມາ, ການເປັນຊ່າງນຳພາ ການກໍ່ສ້າງ ຄູ່ກັບສິມຫຼັງເກົ່າ ຂ້າງຫ້ອງການ ປກສ ແຂວງສາລະວັນ ປັດຈຸບັນ, ວັດສະດຸກໍ່ສ້າງ ແມ່ນໄມ້ກັບດິນ, ມີ 54 ເສົາ, ວາດຊົງລາວບູຮານເຊັ່ນ: ສິ່ວເຈາະຮູ, ຕອກລູກໄມ້ຄັດຕ່າງໆ ສ່ວນຫຼາຍແມ່ນໃຊ້ໄມ້ ເຊັ່ນ: ໄມ້ມັນປາ, ໄມ້ແຄນ, ໄມ້ດູ່ ເປັນຕົ້ນ ຈາກນັ້ນ, ເພີ່ນນັ່ງ ຄວັດຮູບພາບ ຕາມປ້ານລົມ, ສີໜ້າປະຕູສະແດງເຖິງ ປະຫວັດສາດ ຂອງສາດສະໜາ ແລະ ຄວາມອຸດົມຮັ່ງມີ ສະໄໝບູຮານ. ປີ ຄສ 1920 ຂ້າຫຼວງໃຫຍ່ ຂອງຝຣັ່ງ ປະຈຳອິນດູຈີນ ໄດ້ຮັບທຶນ ຈາກເຄືອຈັກກະພັດ ແລະ ປະເທດທຶນນິຍົມ ເພື່ອມາປະຕິສັງຂອນ ວັດຖຸບູຮານ, ວັດວາສາດສະໜາ; ສຳລັບ ແຂວງສາລະວັນ ກໍ່ໄດ້ຮັບທຶນປະຕິສັງ ຂອນ ຫໍໄຕ ພະຄູຈັນທາ ມອບໃຫ້ຊຽງປ້ອມ ບ້ານດົງໜ້ອງ ຜູ້ມີສີມືເປັນຜູ້ສ້ອມແປງຕົບແຕ່ງລວດລາຍ ທີ່ຊຳລຸດຊຸດໂຊມ ໃຫ້ກັບຄືນມາຄືເກົ່າ ວັນທີ 10 ມິ ຖຸນາ 1970. ຫໍໄຕປີດົກ ທີ່ເຫຼື້ອມສະຫງ່າ ຄຽງຄູ່ກັບຊາວພຸດ ທີ່ເຄົາລົບນົບໄຫວ້ ຕາມຮີດ 12 ຄອງ 14, ນັບໄດ້ 177 ປີ, ຖືກຝູງບິນ T (ເຕ) 28 ຂອງອາເມລິກາ ຍິງທະລາຍກາຍເປັນເຖົ່າຖ່ານ ແລະ ເສົາບາງຕົ້ນຍັງຊີ້ຟ້າ, ປັດຈຸບັນ ການຈັດຕັ້ງຂັ້ນເທິງ ແລະ ມວນຊົນ ສາລະວັນໄດ້ເພີ່ມພະລັງສັດທາ ສ້າງຫໍໄຕຫຼັງໃໝ່ ຕາມແບບສະບັບເດີມ ແລະ ທີ່ເຫັນຢູ່ປັດຈຸບັນນີ້ແມ່ນເພີ່ນໄດ້ສ້າງຂຶ້ນໄໝ່.
Editor: ດາວໄຊ ສີວິໄລ
