ທາດນາງລາວ” ບ້ານນາຍົມ, ເມືອງວິລະບູລີ, ສະຫວັນນະເຂດ ເລິ່ມປະກົດເຫັນຄວາມງົດງາມກັບຄືນມາແລ້ວ ຫລັງຈາກໄດ້ມີການປະຕິສັງຂອນ ແລະ ບູລະນະ ມາໄດ້ໄລຍະຫນຶ່ງ ເຜີຍໃຫ້ເຫັນຮູບຮ່າງລັກສະນະຂອງຮູບຊົງທາດນາງລາວ ທີ່ງົດງາມຈາກອະດິດ “ທາດນາງລາວ” ຕັ້ງຢູ່ທາງທິດຕາເວັນອອກສ່ຽງເຫນືອຂອງບ້ານນາຍົມ ເມືອງວິຣະບູລີ ແຂວງສະຫວັນນະເຂດ ເຊິ່ງຫ່າງຈາກບ້ານນາຍົມອອກໄປຕາມທາງດິນແດງ 4 ກິໂລແມັດ. ພຣະທາດນາງລາວ ເປັນທາດທີ່ກໍ່ສ້າງດ້ວຍປະທາຍເພັດ ຖານທີ່ 2-3 ຊັ້ນ ຮູບຮ່າງລັກສະນະເປັນຮູບ 8 ຫລ່ຽມ ສ່ວນດ້ານສ່ວນກາງທາດຄ້າຍຄືລະຄັງ. ສ່ວນທາງຍອດທາດແມ່ນໄດ້ຫັກ ແລະ ເພພັງຫມົດແລ້ວ ອາຍຸຂອງທາດອົງນີ້ ຄົງຈະສ້າງຢູ່ໃນ ພສ 2122 ຫລື (ປະມານ 400 ປີຜ່ານມາແລ້ວ)

ແລະ ເມື່ອປີທີ່ແລ້ວ ທາງອຳນາດການປົກຄອງບ້ານ, ເມືອງ ແລະ ແຂວງສະຫວັນນະເຂດ ໄດ້ມີການເຕົ້າໂຮມຄວາມສາມັກຄີ ບູລະນະປະຕິສັງຂອນທາດນາງລາວ ຂຶ້ນມາຄືນໃຫມ່ ແລະ ອີກບໍ່ດົນກໍ່ການປະຕິສັງຂອນທາດນາງລາວ ກໍ່ຈະສໍາເລັດແລ້ວ ແລະ ຈະມີການສົມໂພດການຍິງໃຫຍ່

Editor: ກຳປານາດ ລັດຖະເຮົ້າ